Bandièra01 1180x150: Comuna de Tolosa

Actualitats

Ara se pòt descargar per Internet los sièis filmes d’Star Wars

Ja se pòdon crompar en format numeric dins de sits coma iTunes, Google Play, Amazon, Xbox Video e PlayStation Store

Las doas societats de produccion que partejan los dreches de la sèria intergalactica de filmes Star Wars, valent a dire Disney e Twentieth Century Fox, ja an mes en venda sus Internet los sièis filmes de George Lucas en format numeric e en nauta definicion, a travèrs de plataformas d’Internet. Alavetz la sèria completa, o los filmes separadament, ja se pòdon aquerir a travèrs de sits coma iTunes, Google Play, Amazon, Xbox Video e PlayStation Store. Los filmes incluson de scènas èxtra o de scènas escartadas dins lo procès de montatge e tanben de vidèos promocionals de l’epòca.
 
Pel primièr còp, doncas, se pòt descargar e veire la sèria entièra per telefòn mobil o tauleta.
 
Cal remembrar que lo 18 de decembre se poirà veire als Estats Units lo primièr filme de la tresena trilogia, Star Wars VII: The Force Awakens (La Fòrça Se Revelha). Lo dirigís J.J. Abrams e cal esperar un pauc mai per lo poder veire als cinèmas del país. Ça que la, la promocion es ja començada.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article