Bandièra01 1180x150: Comuna de Tolosa

Actualitats

Imalaia, coma s’èra pas jamai vist

Amb las tecnologias de filmatge mai avançadas, son los imatges aerians mai estabilizats, nets e definits jamai enregistrats de la region

Las montanhas mai nautas del Mond, las del massís d’Imalaia, se pòdon veire melhor que jamai a travèrs d’un vidèo qu’emplega divèrsas tecnologias de filmatge de las pus avançadas. Los expèrts en cinèma aerian de la societat productritz Teton Gravity Research an publicat lo primièr vidèo en ultranauta definicion enregistrat a mai de 6000 mètres de nautada en elicoptèr, una operacion de granda dificultat. Lo resultat son d’imatges de granda definicion dels divèrses païsatges de la zòna.
 
A travèrs del sistèma GSS C520, la camèra giratòria e estabilizada mai avançada del Mond, lo vidèo mòstra, en granda resolucion, d’imatges de la vila de Katmandó (Nepal), de grandas cascadas d’aiga, de bòsques e, evidentament, las montanhas pus verticalas d’Imalaia amb lors crestas pus nautas e emblematicas coma l’Everest (8844 mètres), Ama Dablam (6812 mètres) e Lhotse (8516 mètres). Lo vidèo reculhís los  imatges aerians mai estabilizats, nets e definits jamai enregistrats dins la region.
 
Se n’es publicada una version en nauta definicion sus YouTube:
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Fabre Muret
1.

Mai que polid subrebèl!

  • 3
  • 0

Escriu un comentari sus aqueste article