CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 d'octòbre

Actualitats

Diluns, 20 d'abril de 2015, 03h00 Sciéncia,Reportatge,Politica,Internacional,Economia

Espanha: L’interpelacion de Rodrigo Rato pòrta la crisi al Partit Popular

L’èx-president de l’FMI e vicepresident d’Aznar es mes en examen per fraudariá fiscala, emblanquiment d’argent e desviament de bens


Comentaris Cap de comentari    
Marrit Flac Bon Plan bon Fabulós (5 vòtes)
carregant En cargar


Detencion de Rodrigo Rato





Etiquetas
aznar, bankia, corrupcion, espanha, fmi, partit popular, rajoy, rato, rodrigo rato

Crisi en Espanha al sen del Partit Popular, que govèrna l’estat, dempuèi la detencion dijòus passat de Rodrigo Rato. Rato foguèt lo vicepresident encargat de l’economia del govèrn de José María Aznar, tanben foguèt president de la banca Bankia, en quincanèla, e director gerent del Fons Monetari Internacional (FMI). Aquel que foguèt considerat coma “lo melhor financièr del país” (segon lo banquièr Emilio Botin) es mes en examen per fraudariá fiscala, emblanquiment d’argent e desviament de bens. En 2012, lo govèrn del Partit Popular facilitèt una amenistia fiscala e Rato s’i sometèt en ensajant de  regularizar una fortuna “obtenguda dins de condicions suspèctas”, segon l’Agéncia Tributària Espanhòla.
 
Lo politician popular foguèt detengut pendent qualques oras après assisir al furn de son ostal, a la demanda del ministèri public, e ara espèra d’èsser cridat pel jutge.
 
 
Nèga que son patromòni siá de 27 milions d’èuros
 
Rodrigo Rato a negat als mèdias que son patrimòni siá de 27 milions d’èuros, contràriament a çò qu’a afirmat lo jornal El Mundo, que ditz qu’a accedit a l’informacion de l’Agéncia Tributària Espanhòla. “Lo mieu patrimòni es fòrça mai reduch. Los 27 son una chifra pas brica reala que ten pas”, çò diguèt sens precisar quala es la chifra reala del sieu patrimòni.
 
Tanben neguèt aver fraudat 1,4 milion d’èuros a l’impòst sul revengut de 2012 e 2013. Segon el, aquelas annadas “practicament” trabalhèt pas. “Perque aquò foguèsse cèrt, m’auriá calgut contunhar de trabalhar los dos exercicis e, dempuèi lo mes de mai de 2012, quand quitèri Bankia, tornèri pas trabalhar aquel an ni en 2013”, çò a afirmat. Almens, totun, a reconegut qu’es proprietari de la societat VivaWay e que tanben a una societat amb participacion del 44% en una ostalariá de Berlin.
 
 
Lo jutge a fach gelar los comptes de Rodrigo Rato
 
Lo jutge en carga de l’afar a ordenat a las entitats financièras de blocar totes los comptes e totes los produches bancaris que sián en nom de l’èx-vicepresident del govèrn d’Aznar. Rato pòt pas accedir als depauses, fonzes d’investiment e pensions, comptes corrents e quin que siá autre produch financièr qu’aja. Tanben li gèlan l’accès a las societats restacadas a el. Lo jutge Antonio Serrano a requerit maitot l’informacion istorica dels movements d’aqueles comptes.
 
 
 
Rajoy reconeis que l’afar afècta lo Partit Popular
 
Lo president del govèrn espanhòl, Mariano Rajoy, diguèt pas res fins a dissabte, quand reconeguèt que l’afar afècta “mai que mai” lo Partit Popular, pr’amor que Rato èra estat “un dels actors mai importants” del partit. Volguèt dire pas res de mai sus l’afar e remandèt los jornalistas a las explicacions que dirà deman lo director de l’Agéncia Tributària dins lo Congrès dels Deputats.
 
D’un autre costat, Rajoy insistiguèt que l’afar aviá pas res a veire amb l’amnestia fiscala que faguèt lo sieu govèrn en 2012. En de declaracions a divèrses mèdias abans un rescontre public, lo president espanhòl diguèt que totes sèm egals davant la lei e qu’a partir d’ara seràn “atentius de çò ne diga l’Agéncia Tributària, lo ministèri public e la justícia”; e mai soslinhèt que lo trabalh del govèrn èra de “garentir l’independéncia, coma o a totjorn fach”.
 
E mai se lo Partit Popular es fòrça tocat per mai d’un afar de corrupcion, es lo primièr còp que Rajoy mòstra son checpic als mèdias.
 
 
A plan lèu, lo gangstèr
 
Fa mens d’un an, Rodrigo Rato compareguèt al Parlament de Catalonha dins una comission d’enquèsta sus las cartas de crèdit secretas, que las avián los conselhièrs de la banca que Rato n’èra president. Dins aquela compareissença, lo deputat catalan de la CUP, David Fernàndez, faguèt una frapanta intervencion:
 
“Avètz paur? D’o perdre tot coma s’es passat en cò de milions de familhas, que lo mond n’ajan pas son confle. Avètz paur? Nos veirem dins l’infèrn. Lo vòstre infèrn es la nòstra esperança, es la carrièra. A plan lèu, lo gangstèr. Fòra la màfia!”, çò diguèt Fernàndez mentre que mostrava sa sabata a Rato, coma “fan en Iraq coma simbòl d’umiliacion e mesprètz al poder del poder”. Lo deputat de la CUP poguèt a pena acabar l’intervencion perque la presidenta de la comission, la deputada del Partit Popular, Dolors Montserrat, lo talhèt en disent qu’èra fòra temps.



publicitat
BANER1-2-3: DGPL TRADUCTOR



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 15
  • sol Aush 15
  • sol Bordèu 13
  • sol Briançon 12
  • sol Caors 12
  • sol Carcassona 14
  • sol Clarmont-Ferrand 13
  • sol Confolent 11
  • sol Gap 10
  • sol La Canau 13
  • sol La Gàrdia 22
  • sol Limòtges 12
  • sol Lo Borg Sant Dalmatz 15
  • sol Lo Puèi de Velai 11
  • sol Marselha 17
  • sol Montpelhièr 15
  • sol Naut Aran 11
  • sol Niça 18
  • sol Nimes 14
  • sol Pau 14
  • sol Peireguers 14
  • sol Rodés 15
  • sol Tolon 14
  • sol Tolosa 15
  • sol Valença 11

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Valadas. © Xavi Gutiérrez Riu

    Valadas

  • © Aure Séguier

    Carnaval Biarnés 2017

  • País de Rasés. © Franc Bardòu

    País de Rasés

  • © AR

    Vila d'Usès e lo pont de Gardon

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Meravilhas aranesas. © Franc Bardòu

    Meravilhas aranesas

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Asuèlhs de Menerbés. © Franc Bardòu

    Asuèlhs de Menerbés

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • Lo grand passacarrièra de Rodés. Occitan Pride 2013

  • Aficha de Pèça de teatre occitan niçard d i a qualque temps. © Catarin Seguran

    Simbòls de Niça

  • © Franc Bardòu

    Coserans al còr

  • Era còlha dera ADÒC ath trabalh

  • Julien Cazenave

    17.02.2019: manifestacion a Brussèlas en sosten als independentistas catalans

  • © Adriana Díaz

    Canas 2019

  • © Aure Séguier

    Carnaval Biarnés 2017

  • Omenatge a Aragon. © Franc Bardòu

    Omenatge a Aragon

  • Vabre (Monts de la Cauna). © Pèire Thouy

    L'occitan per carrièras (concors de prima 2014)

  • Gavotina marítima: trofèu d'August e vila vielha d'A Torbia

  • Estivada 2013. © Guillem Sevilla

    Estivada 2013

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)