Bandièra01 1180x150: Comuna de Tolosa

Actualitats

Un masèl de fa quatre sègles e las relacions entre Islàndia e lo Bascoat

Aquesta setmana se fa un congrès a Reykjavík sus las relacions entre los dos païses

A Hólmavík se debanèt lo masèl dels bascos en 1615
A Hólmavík se debanèt lo masèl dels bascos en 1615 | Nojhan
En 1615 se passèt una tragèdia a la còsta occidentala d’Islàndia, quand tres vaissèls balenièrs naufraguèron e un trentenat de marinièrs bascos qu’avián subreviscut foguèron tuats pels abitants locals, per de rasons qu’òm a pas pogut determinar. Foguèt lo primièr e lo sol masèl del país, e aquesta setmana es lo centre del debat d’un congrès que se debana a Reykjavík per analisar las relacions entre Islàndia e lo Bascoat. Que van delà aquel episòdi tragic conegut coma “Spánverjavígin” (lo chaple dels espanhòls).
 
Aquel congrès internacional sul quatren centenari del masèl dels balenièrs bascos en Islàndia amassa dins la Bibliotèca Nacionala de Reykjavík d’expèrts locals, del Bascoat, dels Estats Units e del Reialme Unit sus l’escambi cultural entre los dos pòbles dels darrièrs quatre sègles, amb una granda preséncia basca e un grand escambi comercial e cultural. Ne son una bona mòstra los precioses vocabularisd’un pidgin bascoislandés parlat al sègle XVII e qualques excavacions arqueologicas de l’illa.
 
Al delà d’analisar l’escambi, lo congrès fa tanben un acte simbolic de reconciliacion entre bascos e islandeses a Hólmavík, lo scenari ont se debanèt lo masèl de 1615, amb la preséncia d’un descendent dels balenièrs guipuscoans assassinats e un autre dels islandeses que participèron al crime.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article