Actualitats
Uèch cents personas manifèstan a Milhau per gardar lo tren al país
A Alès, un centenat de personas exigissián la restauracion de la linha Alès-Besseja
Aperaquí uèch cents personas manifestèron dissabte de matin a Milhau (Larzac) per defendre lo tren al país, segon d’informacions de Midi Libre. La protèsta seguissiá los anoncis de la supression del tren d’Aubrac, prevista per setembre que ven, çò es, la linha Besièrs-Nuçargue, menaçada dempuèi un vintenat d’annadas.
Èra pas la sola manifestacion que se debanava per gardar lo tren al país. A Alès un centenat de personas manifestèron per reclamar la mesa en marcha de la linha Alès-Besseja (Cevenas), suspenduda dempuèi julhet de 2012.
Aquestas suspensions e menaças s’inscrivon dins un encastre mai general de barraduras de las linhas ferroviàrias, acusadas que son per l’estat francés d’èsser “non-rendablas”. Aital 25 barraduras son programadas, demièg las qualas, la màger part, 14 linhas, se tròban en Occitània, ont pasmens la densitat del malhum ferroviari es ja fòrça mai febla.
Editorial de 12 de mai de 2013: Gardarem los trens
Èra pas la sola manifestacion que se debanava per gardar lo tren al país. A Alès un centenat de personas manifestèron per reclamar la mesa en marcha de la linha Alès-Besseja (Cevenas), suspenduda dempuèi julhet de 2012.
Aquestas suspensions e menaças s’inscrivon dins un encastre mai general de barraduras de las linhas ferroviàrias, acusadas que son per l’estat francés d’èsser “non-rendablas”. Aital 25 barraduras son programadas, demièg las qualas, la màger part, 14 linhas, se tròban en Occitània, ont pasmens la densitat del malhum ferroviari es ja fòrça mai febla.
Editorial de 12 de mai de 2013: Gardarem los trens
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Son las regions que se mainan de la circulacion dels TER (e doncas d'aquelas linhas que l'SNCF vòl barrar): perqué dison pas res ? Se pensan que val mai botar d'autocarris pels remplaçar ? Me sembla que lo tren l'Aubrac (Besièrs-París) es pas pus en circulacion dempuèi qualques annadas ... Çò segur, aquelas barraduras seràn una catastròfa per las linhas del Massís ''Septentrional'' e d'Occitània d'un biais general.
Lo regionalisme vai acabar çò que lo jacobisme a començat.
Lo jacobisme a developat la rota e lo tren segond dos axes; d'un biais Paris-Bordeu Euskadi de l'autre Paris-Lion-Marselha. Lo regionalisme breton vòl un liam Bretanha/Lion. Aitau, lo Massif Centrau sera isolat. L'òm fera lo torn dau Massif Centrau en tren coma dins un virolet, dins un manetge : Bordeu, Tolosa, Narbona, Lion, Peiteus, Bordeu...
Sem a un viradis istoric. Lo decopatge au sud de la Leira se fera pus dins lo sens nord/sud mas d'est en oest .I a una fòrta aspiracion per aquò Lo Massif-centrau risca d'en patir.
E qu'òm me dise pas que la linha Alè/Besseja es una afar regionala, locala per defendre lo tren au pais.
La rota e lo tren son ben quauqu'a ren qu'assemblan doas regions entre elas, plusors regions entre elas e quo es jamai sans consequença. A n'autres d'i pensar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari