Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Er aranés der equip Vitaldent, Ruben Caseny, dusau classificat ena Val d’Aran Cycling Tour

| Ana Tur

Era passada dimenjada se celebrèc era prumèra edicion dera Val d’Aran Cycling Tour, pròva aranesa de ciclisme de carretèra, damb era participacion d’un centeat de corredors, provinenti de païsi coma Alemanha, Portugau, Austràlia, Estats Units, França…, d’auti de diferenti endrets der Estat espanhòu e tanben de Catalonha. Era representacion aranesa anèc a cargue dera equipa Vitaldent Aran.


Era Val d’Aran Cycling Tour comencèc, com ère previst, tàs 8h00 deth maitin de dissabte, damb un recorrut de 145Km e un desnivèu positiu de 3200 mètres, en tot gésser de Vielha ta dempús passar eth Portilhon, Pòrt de Balès, tornar peth Portilhon, peth sòn versant luishonés, entà finalizar damb era pujada tath Guardadèr d’Arres enquiara arribada en Vielha. Eth prumèr classificat, Òscar Bernal, procedent de Valéncia, arribèc ena mèta de Vielha tàs 13h00, dempús de 5 ores de corsa. Ena categoria femenina, era prumèra classificada siguec era corredora nòrd-americana, Vanessa Cooney.
 
Eth conselhèr de Territòri e vicesindic 2au deth Conselh Generau d’Aran, Eduardo Valdecantos, remerquèc que damb aguesta espròva, “auem metut era prumèra pèira de çò qu’a d’èster un recorrut ciclista en carretèra, a on quinsevolh afeccionat pogue vier tara Val d’Aran entà practicar eth sòn espòrt e descorbir ua des jòies deth ciclotorisme aranés com ei eth Guardadèr d’Arres”.
 
Tà Valdecantos, “damb aguesta corsa, eth Conselh Generau d’Aran artenh de fusionar eth torisme e er espòrt, e çò qu’encara ei mès important, era internacionalizacion dera Val d’Aran, çò que supòse ua bona apòsta de futur tath nòste país”.
 
Eth conselhèr Eduardo Valdecantos volec reconéisher e arregraïr eth trabalh hèt peth collectiu de Volentaris dera Val d’Aran, era collaboracion deth club ciclista Luchon Louron Cyclisme, e felicitar a toti es organizadors dera Val d’Aran Cycling Tour peth bon desvolopament dera corsa.
 
Cau rebrembar qu’era Val d’Aran Cycling Tour, hè partida deth prestigiós circuit mondiau dera UCI World Cycling tour.




Conselh Generau d'Aran

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article