CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 22 de julhet

Actualitats

Diluns, 4 de mai de 2015, 03h00 Societat,Cultura

Télérama se trufa de l'accent occitan

Dins un article sul darrièr disc de Francis Cabrel, Télérama repròcha al cantador son accent qu'“aurà inspirat los mai grands comics”


Comentaris 28 comentaris    
Marrit Flac Bon Plan bon Fabulós (12 vòtes)
carregant En cargar


Lo setmanièr cultural francés Télérama a publicat un article sus In Extremis, lo darrièr album de Francis Cabrel, tot plen de racisme antioccitan. L’article ridiculiza l’accent occitan de Cabrel en tractant l’occitanitat coma un afar del passat revendicat pels nostalgics, que servís solament a far rire. “A, l’accent del terraire (-caissa?) de Francisseu! Aurà inspirat los mai grands comics”, çò ditz Télérama a prepaus de l’accent de Cabrel... Lo tèxt en francés conten de marridas galejadas que son de mal traduire en occitan: “Ah, l’accent du terroir (-caisse?) de Francisseu! Il aura inspiré les plus grands comiques.”
 
Cabrel presentèt In Extremis lo 27 d’abril passat. Dins aquel trabalh, tot de cançons originalas, lo cantaire torna revendicar la lenga occitana. Dins la cançon que dona son títol a l’album, lo cantaire d’Astafòrt se fa defensor de la biodiversitat de las lengas en comparant la desaparicion de l’occitan a aquela dels aucèls. “Dab aqueste trepejament peu francés sus las lengas regionalas, perdèm la nòsta istòria, las nòstas arrasics e fòrça riquesas, perque i a fòrça imatges dens aqueras lengas que non trobam pas en francés”, çò declarèt lo cantaire a La Voix du Nord. Las autras cançons del disc parlan del camin de la crotz del Crist, de la vida en preson de Mandela o de la batalha d’Azincourt. Al delà, i a totjorn de cançons d’amor.
 
Es pas lo primièr còp que lo celèbre musician d’expression francesa fa d’omenatges a sa cultura occitana. En 1983 escriguèt una cançon entitolada Les chevaliers cathares e en 2010 participèt a un album del Còr de Bèrra [Corou de Berra]. Es tanben president de l’associacion Voix du Sud.
 
Cabrel venguèt un dels cantaires mai presats de la scèna francofòna a partir del succès de sa cançon Je l’aime à mourir en 1979.



publicitat
BANER1-2-3: DGPL DICTADES



Comentaris

7 de mai 11.28h

Convidat a un past amb d'amics de la familha, un me ditz : " oh IL est rigolo celui-là avec son accent"...

Ai trantalhat a plombar l'ambient o non. Li faguèri capir qu'èra un nèci e l'ai pistat sus li sieu dires tota la serada. Lo reveguèri plus...


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

6 de mai 21.06h

E aquò, cossí s'apèla ? Aqueste matin, a l'escota de France Inter, en responsa a un auditor (Bernard, de Tolosa) que li pausava un question fissaira, Alain Minc respondèt « Ecoutez, l'avantage de l'accent du Midi c'est qu'ça rend sympathique même une question désagréable. » (=escotatz, l'avantatge de l'accent del Miègjorn es que fa simpatic quitament una question desagradiva).
http://www.franceinter.fr/emission-interactiv-alain-minc


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

6 de mai 18.21h

#19 Totun qu'ei era nacion que recuperarà era lengua, coma s'a hèt en Catalonha e en Bascoat


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

6 de mai 07.39h

#18 Oc, las ontas son las alibofis, los cascavèus, los rostons, las colhas en brèu. A vostre servici !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

6 de mai 03.58h

Se comprèni ben, cal saupre se sèm occitans cassolet o occitans brandada. Lo cassolet, totòm sap çò qu'es emai n'aja pas tastat; la brandada, un fum fe franchimands, emai d'occitans, sabon pas çò qu'es.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

5 de mai 19.44h

#19 Lo nivèu de la francofonia en Occitania es tant elevat que, se diu se far, serà "la nacion que farà la lenga". Sonque un Estat-nacion Occitan trencat de la marrida influencia jacobine de Paris poderà legalizar la lenga occitana. Mès cau èster realista, los occitanofònas, marginalizats, pòdon pas a l'ora d'ara dins un encastre estatal Frnaco-Francés cambiar la situacion rapòrt a la lenga Occitana.

Solide, es pas la lenga que farà la nacion. Calera qu'auja una presa de conscienci... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 de mai 17.45h

#19 " La societat occitana es francofòna. Es un fach" > Aürosament que l'istòria a demostrat que los òmes s'amagan pas darrièr aquesta mena de formula en kit per cambiar çò que va pas. E non la societat occitana es pas (unicament) francofòna. Se lo francés i es la lenga majoritària, a pas vocacion d'o demorar. L'occitan ten la vocacion de tornar prene aquesta plaça. Es pas un fait. Es una espe... Legir mai


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

5 de mai 17.30h

#20 Particularament pas pensi que Irlanda o quitament Escòcia ajan pas lo drech a èsser de nacions. Disi solament, e o manteni, qu'una cultura que pèrd la siá lenga pèrd l'esséncia de la siá identitat.


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

5 de mai 17.08h

#16 Siáu pas d'acòrd ambe vautres, mai estent la notacion de mon comentari, cresi que siatz pas solet de pensar coma aquò.

De fach, leis irlandés deis Estats Units ò leis italians an perdut la lenga. Sa cultura es pasmens encara pron viva e ben identificada. L'identitat escosesa es tanben ben viva, au còntra de sa lenga. E l'Irlanda es un país independant, qu'a de segur una lenga pròpia, mai tanben una autra lenga massisament parlada au sieu, ben mai que sa lenga d'origina. Cu que pò... Legir mai


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

5 de mai 17.08h

#16 Occitània es pas Catalonha. La societat occitana es francofòna. Es un fach. En Occitània, es pas la lenga que farà la nacion.


Valoriza aqueste comentari:   votar positiu 4   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Mentan

  • © Laurenç Revèst

    Las Cevènas, Barjac en Val de Cese

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Nimes

    Dictada occitana 2014

  • © Laurenç Revèst

    Besièrs, preséncia d'occitan en ciutat e CIRDOC

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Menton, 'a vivaroalpenca maritima

  • País de Rasés. © Franc Bardòu

    País de Rasés

  • © Aure Séguier

    Carnaval Biarnés 2017

  • © Laurenç Revèst

    Castelar

  • © Franc Bardòu

    Catalonha etèrna

  • © Aure Séguier

    Carnaval Biarnés 2017

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • Val d'Aran, cap de Gasconha

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Ciutat de Blaia: al país de l'amor de lonh

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)