Actualitats
Lo multilingüisme d’Aran sus la ràdio-television publica de Canadà
An consagrat un reportatge a l’immersion lingüistica de las escòlas aranesas
La particulara realitat lingüistica d’Aran atrai pro sovent l’atencion dels mèdias internacionals. La dimenjada passada foguèt lo cas de la Ràdio-Television Canadiana que publiquèt un reportatge de la jornalista Myriam Fimbry sus l’immersion lingüistica en occitan dins las escòlas del país.
L’article es entitolat La Val d’Aran en defensa d’una lenga e d’una identitat, e remarca sustot un sistèma educatiu ont, dins “totas las escòlas primàrias, los enfants aprenon cinc lengas: d’en primièr l’aranés, après lo catalan e lo castelhan, e a la seguida lo francés e l’anglés”.
“I a agut ací un orgulh pera lengua. Era gent non a abandonat jamès er aranés”, çò afirma puèi l’escrivan Jèp de Montoya, cap de la cultura e de la politica lingüistica d’Aran.
Malgrat la reconeissença creissenta de la lenga e l’esfòrç que fan qualques nòuvenguts al país per aprene l’occitan, coma o soslinha ben lo reportatge, en Aran se calcula que dels 10 000 abitants solament 3000 comprenon o parlan l’occitan, dont solament un 17% l’emplegan coma lenga abituala.
L’article es entitolat La Val d’Aran en defensa d’una lenga e d’una identitat, e remarca sustot un sistèma educatiu ont, dins “totas las escòlas primàrias, los enfants aprenon cinc lengas: d’en primièr l’aranés, après lo catalan e lo castelhan, e a la seguida lo francés e l’anglés”.
“I a agut ací un orgulh pera lengua. Era gent non a abandonat jamès er aranés”, çò afirma puèi l’escrivan Jèp de Montoya, cap de la cultura e de la politica lingüistica d’Aran.
Malgrat la reconeissença creissenta de la lenga e l’esfòrç que fan qualques nòuvenguts al país per aprene l’occitan, coma o soslinha ben lo reportatge, en Aran se calcula que dels 10 000 abitants solament 3000 comprenon o parlan l’occitan, dont solament un 17% l’emplegan coma lenga abituala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fuec de Diu de nom de Diu de Toner de Diu, vene mas legir l'article tanben. Quò es una pròva que lo jacobinisme pòt èsser un fascisme culturau.
#1 Vene de lire l'article dau liam que bailas... Qu'es aquò aquela orror? Crese qu'es pas possibla de faire mai jacobin!!!... :-(
E d'aquel temps de l'autre costat de la ''frontièra'', en Occitània granda: http://www.agoravox.fr/actualites/societe/article/plaidoyer-pour-l-universalite-non-166612
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari