CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Dimars, 12 de mai de 2015, 03h00 Societat,Politica,Internacional

L’Ostal Blanc auriá mentit sus l’assassinat de Bin Ladin

Lo jornalista Seymour Hersh, Prèmi Pulitzer, revèla que lo cap d’Al Qaida èra presonièr de l’armada de Paquistan, e qu’èra andicapat al moment que lo tuèron, sens que resistiguèsse. E foguèt pas lançat dins la mar


Comentaris 7 comentaris    
Marrit Flac Bon Plan bon Fabulós (7 vòtes)
carregant En cargar


Lo jornalista Seymour Hersh, un dels mai respectats especialistas en politica exteriora dels Estats Units e Prèmi Pulitzer, acusa l’Ostal Blanc d’aver mentit tocant l’assassinat d’Usama Bin Ladin. Dins un long article, publicat curiosament dins la London Review of Books, Hersh descriu en detalh l’operacion e afirma que Bin Ladin èra presonièr de l’armada paquistanesa, qu’èra andicapat, que l’operacion se menèt a tèrme amb lo sosten de Paquistan e que lo cadavre foguèt pas daissat dins la mar segon lo ritual islamic. Lo tèxt se presenta coma una “istòria alternativa de la guèrra contra la terror” e afirma que los faches foguèron mascats de longa en pensant a la campanha per la reeleccion d’Obama.
 
Segon lo relat de l’Ostal Blanc, Bin Ladin moriguèt dins un escambi de còps de fuòc amb de soldats dels Estats Units, dins l’encastre d’una operacion que las autoritats paquistanesas ne sabián pas res. Per contra, segon Hersh, los militars estatsunidencs recebèron l’assisténcia de foncionaris paquistaneses de naut nivèl e pagats amb fòrça argent. En mai d’aquò, segon las fonts d’Hersch, Bin Ladin èra pas “amagat” en Pakistan mas èra presonièr del servici d’intelligéncia de Paquistan (ISI). Un oficial d’aquel servici indiquèt als Estats Units ont se trobava lo cap d’Al Qaida en escambi de 25 milions de dolars.
 
L’Ostal Blanc afirmèt que Bin Ladin s’amagava en Paquistan mas, segon las investigacions d’Hersh, l’ISI lo teniá captiu dempuèi 2006 per l’emplegar contra los talibans e las activitats d’Al Qaida en Paquistan e en Afganistan. Lo jornalista afirma que i aguèt pas “cap de còp de fuòc” perque quand los soldats estatsunidencs intrèron dins lo sit, “los gàrdias de l’ISI èran partits”, en sabent qu’arribava la còla encargada de tuar Bin Ladin. Tota l’operacion foguèt coordenada amb d’oficials estatsunidencs presents dins las installacions de l’armada de Paquistan.
 
L’article explica tanben que Bin Ladin èra gaireben un andicapat e que foguèt assassinat sens que resistiguèsse. L’Ostal Blanc aviá afirmat que los soldats avián agit en legitima defensa quand ensajava de los atacar. Tanben nèga que lo cadavre del cap d’Al Qaida foguèsse daissat dins la mar. Segon Hers, lo còrs foguèt lançat sus las montanhas mentre que los elicoptèrs tornavan a la basa d’ont èran partits.
 
Retrobatz l’original en anglés de l’article sus la London Review of Books.



publicitat
BANER1-2-3: DGPL DICTADES



Comentaris

15 de mai 16.37h

#2 En occitan avèm "Ostal" e "Maison" plan corrèctes los dos. Levat qu'un a lo malur de revertar lo francés. D'unes diccionaris corrents nos dison qu'una maison es un ostal bèl o ric, una bastenda importanta. Lo TDF de Mistral mençona demest d'autres exemples : "meisoun de vilo" per "comuna" (Hôtel de ville) ; "la Meisoun-Carrado" de Nimes o encaro "meisoun de Dieu" per "espital principal" (Hôtel-Dieu).
En Lengadòc ont l'abitacion privada se ditz correntament "l'ostal", ai cla... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

14 de mai 08.33h

#5 A, té, Obamà al Capitòli: e perqué pas? Lèu serà sens trabalh.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

14 de mai 03.47h

#2 «Ostal blanc» me sembla èsser la revirada de "White House" e non pas de «maison blanche» ! ;)
Vesi pas tròp cossí dire d'un autre biais… lo… Capitòli ?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

12 de mai 21.54h

Per aquí, l'ostau, quò es mai l'ensemble daus bastits, a la campanha, e la maison la partida abitada. Diriam donc "la maison blancha". Daus còps, la maison, quò es mas la peça principala, qqn qu'es dins la chambra pòt dire "vau a la maison" per "vau a la cosina/sala de minjar" (ente l'i a lo fogier).
Mas me fie que l'i a daus endrechs que l' "ostau", quò es la mesma chausa que la "maison".


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

12 de mai 20.04h

#2 Quin ei eth problema? En catalan e en espanhòl diden "La Casa Blanca". Tà jo ei justament "Maison Blanche" çò que non me passe pas es pòts


Valoriza aqueste comentari:   votar positiu 5   votar negatiu 6
Respondre comentari replica Comentari inadeqüat   Formulari d'abús de comentari

12 de mai 14.21h

Calia èsser plan pèc per crèire que sus un afar atal te posquesson díser la vertat e qu'un estat que venguesse !
Per contre "l'ostal Blanc" amai s'es la revirada de "maison blanche" me passa pas los pòts, caldria trobar quicòm mai.


Valoriza aqueste comentari:   votar positiu 5   votar negatiu 4
Respondre comentari replica Comentari inadeqüat   Formulari d'abús de comentari

12 de mai 10.08h

"L'Ostal Blanc mentís" aquò s'apèra en literatura un pleonasme.


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 13
  • sol Aush 12
  • sol Bordèu 14
  • sol Briançon 10
  • sol Caors 13
  • sol Carcassona 14
  • sol Clarmont-Ferrand 10
  • sol Confolent 10
  • sol Gap 9
  • sol La Canau 15
  • sol La Gàrdia 19
  • sol Limòtges 11
  • sol Lo Borg Sant Dalmatz 14
  • sol Lo Puèi de Velai 8
  • sol Marselha 16
  • sol Montpelhièr 16
  • sol Naut Aran 11
  • sol Niça 17
  • sol Nimes 15
  • sol Pau 13
  • sol Peireguers 13
  • sol Rodés 13
  • sol Tolon 15
  • sol Tolosa 13
  • sol Valença 11

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Tresaurs andorrans

  • País de Rasés. © Franc Bardòu

    País de Rasés

  • © Franc Bardòu

    Asuèlhs de Lauragués

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Font soanhaira. © Laurenç Revèst

    Remembres de Vaquí, emission en la Vau Clusa, novembre de 2005

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Aure Séguier

    Carnaval Biarnés 2017

  • © Franc Bardòu

    Catalonha etèrna

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Gavotina marítima: trofèu d'August e vila vielha d'A Torbia

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Ciutat de Draoníer. © Cristòu Daurore

    Ciutat de Draoníer (Val Maira)

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Aure Séguier

    Carnaval Biarnés 2017

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Los Pokémons de la 3a generacion revirats en occitan

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)