Se debanarà dissabte peth maitin en Vielha eth 9u Concors Morfologic dera Raça dera Oelha Aranesa, damb tota ua seguida d’activitats. En aguest sens, era Comuna de Vielha e Mijaran qu’organize era jornada en tot proposar, ath delà deth concors, jòcs entà mainatges, demostracion de talh de troncs, un esdejoar popular, etcetèra, entre es 9 e es 14 ores ena Avenguda deth Pas d’Arró.
 
 
Ua raça en perilh d’extincion
 
Era raça aranesa qu’ei en perilh d’extincion, damb un cens de lèu 3000 animaus distribuits en 36 ramaderies, e era tòca fonamentau d’aqueth eveniment ei era sua conservacion e promocion.
 
Per çò qu’ei des sues caracteristiques particulares, era raça de oelha aranesa se caracterize per èster grana, de proporcions alongades e, ath delà, ambdús sèxes presenten bures. Es ramadèrs vòlen arrecuperar es varietats mès antigues en çò que tanh ara capa, qu’an sies varietats de color: blanca, nera, bereta, mascarda, capiròia e oelhinera.
 
 
 
 
FM