Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaVencenc

Es començat lo Festenau Sacrat de la Beutat a l’iscla de Sant Onorat

Se ten dins lo mostier deis Isclas de Lerins de rescòntres e eveniments amb la tematica dau religiós e de son rapòrt ambais arts

| Festenau sacrat de la beutat
Dau 14 au 23 de mai, l’iscla de Sant Onorat (diocèsi frejulenca e non niçarda), fàcia a Canas, vei se debanar lo Festenau Sacrat de la Beutat.
 
Fàcia a la Provença costiera canenca, centre dau monde cinematografic per aqueu periòde, se tendrà dins lo mostier deis Isclas de Lerins de rescòntres e eveniments amb la tematica dau religiós e de son rapòrt ambais arts. D’artistas (actors, cantaires de sacrat) presentaràn seis òbras au public.
 
Un festenau lerinenc originau fàcia au quartier de la Croseta, que cadun conoisse mondialament mas que mondialament se saup mens que ven de l’occitan “pichona crotz”, de la crotz bastida en riba de mar per lei canencs fàcia a l’iscla de Santa Margarida (crotz restaurada pauc de temps fa per una associacion canenca).
 
Lo festenau insular que lo president d’onor n’es Michael Lonsdale es tanben bailejat per l’abat dei monges, Vladimir. Lo site es accessible per lei navetas maritimas entre Canas e Lerins. L’Abadiá de Sant Onorat, dau nom dau sant evangelizaire de la region (lo trobador vivaroaupenc tinean Ramon Feraud d’Ilònsa faguèt son agiografia en occitan), es tanben conoissuda per son domeni viticòla famós e subretot per èstre lo promier site de monaquisme comunitari d’Occident sus lo modèl dei comunitats crestianas d’Orient.
 
 
 
 
Laurenç Revèst

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
1.

Tenc un fraire qu' es diu Honorat e volguet anar a isla de Sant Honorat a Canas, li agradet molt. A Mallorca n'hi ha d'Honorats o Norats sustot a la pagesia , al vilatge de Llucmajor hi ha la montanha de Cura que té l'ermita de Sant Honorat. De petits hi anavem amb el cotxe de mon paire tota la familha e passavem un dia d'excursion familiala.

  • 0
  • 0

Escriu un comentari sus aqueste article