Actualitats
La Fèria de Caissargues festeja son 50n anniversari amb 50 buòus
L’eveniment se debanarà del 22 al 25 de mai amb un programa fòrça complet
Per los 50 ans de la Fèria de Caissargues (Costièra de Nimes), lo club taurin Lo Saqueton (escrivon Lou Saquetoun) vei las causas en grand: 50 ans, 50 buòus! Una abrivada de 50 buòus es anonciada per la jornada de diluns!
La Fèria de Caissargues se debanarà del 22 al 25 de mai. Lo club taurin a preparat un programa fòrça complet.
Pel divendres “l’abrivada-bandida” es a 19h, seguida del concors de gardians a 22h30. Aquel concors de gardians se passa amb las manadas Clement-Devaux-Labourayre. Las tres manadas fan d’espròvas torn aprèp torn, una espròva de rodeo, una de saut de caval a caval e la mai espectaclosa, la del saut de caval a buòu. Pendent aquela serada de vaquetas seràn presenta pel public.
Lo dissabte es dins l’esperit de la tradicion, tre lo matin sèm convidats a prene lo dejunar al prat (Manada Henry Bilhau), puèi a davalar se o volèm en bicicleta cap al vilatge. Los buòus davalan tanben del prat, menats pels manadiers. Quand los buòus arriban al vilatge los joves “atrapaires” an pas drech d’arrestar los buòus coma de costuma dins las autras abrivadas, aquí se ditz “l’abrivada a l’anciana”. De participants costumats davalan tanben del prat dins de calèchas o a bicicleta. Tot aquel mond se retròban dins las arenas e de prèmis son balhats. Una “rossatalha” es tanben prevista, la rossatalha es quora totes los cavals de la manada (mascles, femèlas e pichons) travèrsan lo vilatge ensems en libertat. Un mercat es dobèrt tota la jornada en fàcia de las arenas. A 16h se prevei la primièra Corsa Camarguenca del 41n Trofèu dels Comerçants e Artisans, amb las Manadas Lautier-Ricard-Thibaud. Aprèp la corsa: l’abrivada-bandida. E a 22h30 la corsa de nuèch (jòc pels joves amb de vaquetas e un vedèl pels enfants). Enfin, a 1h, un “encierro” de nuèch.
Lo dimenge organizan una messa en provençal dins las arenas a 10h. A 12 h, abrivada-bandida. A 16h, corsa amb laas Manadas Espelly Blanc-Cuille-Didelot. Aprèp la corsa, abrivada-bandida. A 22h30, corsa de nuèch. A 1h, “encierro”.
Pel diluns la tant esperada abrivada de 50 buòus se prevei a 12h. A 16h, la corsa de las Manadas Bon-Guillerme-La Galere. Aprèp la corsa, remesa dels prèmis, puèi la darrièra abrivada. E a 22h30, l’espectacle final dins las arenas.
Cada jorn après l’abrivada i a un aperitiu dançarèl e mai tard dins la serada un concèrt. Existís una carta pels joves a 10 èuros que permet l’accès illimitat a las arenas (se pòt crompar fins a 20 ans). Per tota autra informacion o detalh del programa, cal anar sul sit.
Amélie Darles-Dayon
La Fèria de Caissargues se debanarà del 22 al 25 de mai. Lo club taurin a preparat un programa fòrça complet.
Pel divendres “l’abrivada-bandida” es a 19h, seguida del concors de gardians a 22h30. Aquel concors de gardians se passa amb las manadas Clement-Devaux-Labourayre. Las tres manadas fan d’espròvas torn aprèp torn, una espròva de rodeo, una de saut de caval a caval e la mai espectaclosa, la del saut de caval a buòu. Pendent aquela serada de vaquetas seràn presenta pel public.
Lo dissabte es dins l’esperit de la tradicion, tre lo matin sèm convidats a prene lo dejunar al prat (Manada Henry Bilhau), puèi a davalar se o volèm en bicicleta cap al vilatge. Los buòus davalan tanben del prat, menats pels manadiers. Quand los buòus arriban al vilatge los joves “atrapaires” an pas drech d’arrestar los buòus coma de costuma dins las autras abrivadas, aquí se ditz “l’abrivada a l’anciana”. De participants costumats davalan tanben del prat dins de calèchas o a bicicleta. Tot aquel mond se retròban dins las arenas e de prèmis son balhats. Una “rossatalha” es tanben prevista, la rossatalha es quora totes los cavals de la manada (mascles, femèlas e pichons) travèrsan lo vilatge ensems en libertat. Un mercat es dobèrt tota la jornada en fàcia de las arenas. A 16h se prevei la primièra Corsa Camarguenca del 41n Trofèu dels Comerçants e Artisans, amb las Manadas Lautier-Ricard-Thibaud. Aprèp la corsa: l’abrivada-bandida. E a 22h30 la corsa de nuèch (jòc pels joves amb de vaquetas e un vedèl pels enfants). Enfin, a 1h, un “encierro” de nuèch.
Lo dimenge organizan una messa en provençal dins las arenas a 10h. A 12 h, abrivada-bandida. A 16h, corsa amb laas Manadas Espelly Blanc-Cuille-Didelot. Aprèp la corsa, abrivada-bandida. A 22h30, corsa de nuèch. A 1h, “encierro”.
Pel diluns la tant esperada abrivada de 50 buòus se prevei a 12h. A 16h, la corsa de las Manadas Bon-Guillerme-La Galere. Aprèp la corsa, remesa dels prèmis, puèi la darrièra abrivada. E a 22h30, l’espectacle final dins las arenas.
Cada jorn après l’abrivada i a un aperitiu dançarèl e mai tard dins la serada un concèrt. Existís una carta pels joves a 10 èuros que permet l’accès illimitat a las arenas (se pòt crompar fins a 20 ans). Per tota autra informacion o detalh del programa, cal anar sul sit.
Amélie Darles-Dayon
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adieu a totes, los 50 buòs son per una abrivada e pas per una corsa, cap de mal es fach a las bestias ! A caissarguas las abrivadas son protegidas per de barrièras !
http://fr.wikipedia.org/wiki/Abrivado
Fin finala se pòt parlar de ren de ren occitan sens que vira a la batesta.... es d'un confle grandàs !
Bon dia Gàlveç Pèireç. Efectivament els 50 bous no participaran de la festa perquè volen, sinó que hi aniran tan si volen com si no. De tota manera, la cursa Camarguesa, no té res a veure amb la corrida espanyola. No es fa mal als bous, ni se'ls fereix ni se'ls mata. Els "rasetaires", que serien els toreros, han d'agafar uns estris anomenats "atributs" que estan fixats a les banyes dels bous. Són peces de roba o de llana. Els bous no surten a plaça emprenyats com a Espanya, que se'ls tortura abans, i l'espectacle no és gens sàdic.
http://oc.wikipedia.org/wiki/Corsa_camarguenca
Plan perda que siaguessa escrit "lou saquetou" un bocin d'occitan dins aquel sit auria estat de requist....
Equèra un còp de mancat.....!
#1 Non pas: se tracta d'una tradicion occitana non violenta, la corsa camarguenca.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari