CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Dimècres, 20 de mai de 2015, 03h00 Societat

Lengadòc > Lengadòc Bas > Montpelhierenc

Seta: la Glèisa Protestanta Unida de França autoriza la benediccion dels parelhs omosexuals

Lo 17 de mai, o decidiguèt lo sinòde de la màger denominacion protestanta de l’estat francés


Comentaris 3 comentaris    
Marrit Flac Bon Plan bon Fabulós (7 vòtes)
carregant En cargar


Quasi dos ans après la celebracion del primièr matrimòni omosexual, lo 29 de mai de 2013 a Montpelhièr, Occitània es tornar-mai al centre de l’atencion a prepaus d’aquel debat de societat. Dimenge 17 de mai, los 105 delegats de la Glèisa Protestanta Unida, acampats en sinòde, votèron per saber se caliá autorizar o pas la benediccion dels parelhs omosexuals. Aquò se passèt a Seta (Montpelhierenc).

Creada en 2012, la Glèisa Protestanta Unida es la màger denominacion protestanta de l’estat francés. Es la fusion de la Glèisa Reformada de França, d’origina calvinista —una sensibilitat que pertoquèt fòrça uganauds occitans e franceses—, e de la Glèisa Evangelica Luteriana de França. Son organizacion es a l’encòp presbiteriana e sinodala: las decisions, las prenon los conselhs de cada glèisa locala e l’ensems de las glèisas localas de la meteissa denominacion recampadas dins un congrès de delegats, lo sinòde.

Ansin, dels 105 delegats del sinòde del 17 de mai, 94 votèron en favor de l’autorizacion de la benediccion dels parelhs omosexuals, e sonque 3 votèron contra. Totun, se tracta pas d’una obligacion: una glèisa locala opausada a aquela mena de benediccion serà pas constrencha de la celebrar. Disèm ben “benediccion” e non pas “matrimòni” perque, per se destriar de la concepcion catolica del matrimòni, que lo considèra coma un sagrament e un ligam indissoluble entre un òme e una femna, aquela denominacion protestanta lo vei coma una simpla ceremònia de benediccion après lo matrimòni civil —lo sol que siá legal segon la lei francesa—.

Aquela decision de la Glèisa Protestanta Unida de França a luòc un an après una nòta de l’esperit semblable, qu’apelava a luchar contra tota forma de discriminacion e l’omofobia. La publiquèt una glèisa mai pichona, la Mission Populara Evangelica de França.
La question de l’omosexualitat e de l’acceptacion del matrimòni omosexual devesís las glèisas crestianas del Mond. Generalament, las glèisas mens omofòbas son tanben las que donan a las femnas lo meteis nivèl de responsabilitat que los òmes. Per exemple, la Glèisa
Evangelica Luteriana en America —la principala glèisa luteriana dels Estats Units, que la dirigís una femna, Elizabeth Eaton— permet despuèi 2009 als omosexuals, non sonque celibataris mas tanben en parelh, d’exercir exactament las meteissas foncions pastoralas que los eterosexuals.




publicitat
BANER1-2-3: DGPL AN LAFONT



Comentaris

21 de mai 17.14h

Plan contenta d'aquela decision, òsca als reformats per la lora dubertura ! :)


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

20 de mai 10.12h

Es verai que la mòrt del paure Miquèl Servet foguèt una grèva pèca de Calvin. Pasmens, la referéncia de la Glèisa Reformada al calvinisme èra luenchenca despuèi un bèl brieu, e o es encara mai amb sa fusion amb los luterians.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

20 de mai 08.31h

Lo fantauma de Calvin deu èsser enferonat, el que mandava al fuòc cal pensava pas coma el.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 30
  • sol Bordèu 31
  • sol Briançon 23
  • sol Caors 32
  • sol Carcassona 29
  • sol Clarmont-Ferrand 31
  • sol Confolent 30
  • sol Gap 20
  • sol La Canau 31
  • sol La Gàrdia 28
  • sol Limòtges 32
  • sol Lo Borg Sant Dalmatz 25
  • sol Lo Puèi de Velai 29
  • sol Marselha 27
  • sol Montpelhièr 27
  • sol Naut Aran 25
  • sol Niça 24
  • sol Nimes 30
  • sol Pau 29
  • sol Peireguers 31
  • sol Rodés 31
  • sol Tolon 32
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • © Franc Bardòu

    Tresaurs andorrans

  • © Franc Bardòu

    Darrièr refugi abans l’envòl (1206-2016)

  • Asuèlhs comengeses. © Franc Bardòu

    Asuèlhs Comengeses

  • © Aure Séguier

    Carnaval Biarnés 2017

  • Lo grand passacarrièra de Rodés. Occitan Pride 2013

  • © Celèsta Toion

    La plaja espaci de libertat? D'expression?

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Magalí Barceló

    Santa Gabèla: quatrena fèsta del fogal rural La Gabèla

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Zep Armentano

    XI prèmis Gaudí de l'Acadèmia Catalana del Cinèma

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Menton, 'a vivaroalpenca maritima

  • Estivada 2013. © Guillem Sevilla

    Estivada 2013

  • Bulo. © Laurenç Revèst

    Concors d'estiu 2012: La fotografia de las vacanças

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    Asuèlhs de Lauragués

  • © Laurenç Revèst

    Cavairac (Costièra de Nimes)

  • © Laurenç Revèst

    Fòrt Maginòt de Sant Anhe

  • Arremassada de signatures pera independéncia. ANC Val d'Aran, Vielha 11-12 de gèr 2014

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)