Bandièra01 1180x150: Comuna de Tolosa

Actualitats

La Guépia aculhirà ongan l’Universitat Occitana del 13 al 18 de julhet

Lo programa inclutz de corses, de projeccions, de concèrts, d'animacions e un concors d’istòrias en occitan amb de prèmis

| Universitat occitana d’estiu de La Guépia
L’Universitat Occitana de La Guépia (Segalar) se debanarà del 13 al 18 de julhèt. Prepausa un luòc e un temps d’ensenhament, d’animacion, d’estudi, mas es tanben, una endevenença mannada de rescontres (e de convèrsas) improbables endacòm mai: los escolans dels corses pòdon parlar amb d’occitanofòns “naturals” del vesinat coma amb d’escrivans, d’intellectuals e d’artistas de renom, los vièlhs savis als joves lançats, la cultura sabenta rescontra la cultura populara, los estrangièrs rescontran los del país sus de questions d’istòria e de patrimòni. Tot aquò dins un ambient al còp estudiós e pausadís, amb los pès chimpats dins l’aiga de Viaur e d’Avairon, e amb la consciéncia d’aprestar, en primadièrs, l’avenir del país.
 
Lo programa prepausa cada jorn de corses de lenga e d’obradors de traduccion e de danças. I aurà tanben un obrador de cant amb Manu Théron pendent quatre jorns, , se projectarà La Sèria en preséncia dels autors... De soslinhar los aperitius-concèrts amb Lo Varrut e amb Les Cousins du Quercy, lo concèrt de Du Bartàs, e un concors d’istòrias en occitan amb 1000 èuros en prèmis. Podètz descargar lo programa e vos inscriure en linha.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article