Bandièra01 1180x150: Comuna de Tolosa

Actualitats

De militars estatsunidencs an mandat de virus d’antrax a una basa de la Corèa del Sud

Un vintenat de membres d’aquela basa son en tractament medical. Lo Pentagòn a dobèrt una enquèsta

De militars estatsunidencs an enviat per error de mòstras viventas del bactèri d’antrax a qualques laboratòris de nòu estats dels Estats Units e a una basa militara estatsundenca en Corèa del Sud, a Osan, plan près de Seol, segon çò que rapòrta The Washington Post. Un vintenat de membres d’aquela basa son en tractament medical après èsser expausats a la mòstra, qu’es estada destrucha segon los protocòls establits. E mai, quatre salariats dels laboratòris estatsunidencs son en tractament preventiu.
 
Las mòstras las aurián mandadas dempuèi lo laboratòri militar de Dugway, dins l’estat d’Utah, coma partida d’un programa per desvolopar un ensag que permeta d’indentificar de menaças davant d’eventualas atacas biologicas.
 
Segon lo Pentagòn, s’es dobèrta una enquèsta.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
1.

Oc ! ara nos ho creirem que era per far una enquesta, segur que ne volien faire una putada de les sevas als Nord Coreans.

  • 0
  • 0

Escriu un comentari sus aqueste article