CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Divendres, 5 de junh de 2015, 03h00 Politica,Lenga

Hollande s’engatja a ratificar la Carta Europèa de las Lengas Regionalas o Minoritàrias

“Consent amb l’engatjament qu’ai pres davant los franceses, desiri que lo parlament permeta la ratificacion de la Carta”, çò ditz


Comentaris 9 comentaris    
Marrit Flac Bon Plan bon Fabulós (9 vòtes)
carregant En cargar


Lo president de la Republica Francesa, François Hollande, s’es engatjat en favor de la ratificacion de la Carta Europèa de las Lengas Regionalas o Minoritàrias (CELRÒM), çò rapòrta Le Télégramme. “Azard o coïncidéncia?”, se demanda La Setmana.
 
En tot cas, lo president francés a respondut a una letra al deputat breton Jean-Jacques Urvoas, qu’es lo president de la comission de las leis de la cambra bassa del Parlament francés. Dins aquela responsa, adreiçada diluns passat, Hollande indica que la ministra de la justícia, Christiane Taubira, es estada encargada de preparar un projècte de lei sus la ratificacion de la CELRÒM. “Consent amb l’engatjament qu’ai pres davant los franceses, desiri que lo parlament permeta la ratificacion de la Carta”, çò ditz Hollande, en tot precisar que ”la via del Congrès me sembla la mai apropriada”.
 
D’efièch, l’Assemblada (cambra bassa) francesa aprovèt en genièr de 2014, amb una larga majoritat, de ratificar la Carta Europèa de las Lengas Regionalas o Minoritàrias, mas en i apondent una declaracion interpretativa que manten lo francés coma lenga de la “Republica”  e que contunha de negar los dreches lingüistics collectius dels locutors d’autras lengas, que seràn encara obligats d’emplegar lo francés amb l’administracion e los servicis publics.
 
Aquela Carta es destinada a protegir e promòure l’usatge de las lengas mal nomenadas regionalas dins totes los domenis umans (educacion, mèdias, servicis administratius, etc.) e se prepausèt en 1992. Dels 47 estats del Conselh d’Euròpa, 33 l’an signada e 25 l’an ratificada. L’estat francés la signèt en 1999 mas l’a pas jamai ratificada perque lo Conselh Constitucional decidiguèt en junh de 1999 qu’aquela carta èra contrària a l’egalitat de totes los ciutadans e a l’article 2 de la Constitucion Francesa, lo que ditz que “la lenga de la Republica es lo francés”.
 
Cal remembrar qu’en 1999 lo primièr ministre Lionel Jospin signèt la Carta, mas lo president d’alavetz, Jacques Chirac, la ratifiquèt pas e empediguèt que França reconeguèsse los dreches lingüistics de sas minoritats. La ratificacion de la Carta foguèt una promessa electorala del president de la Republica, François Hollande; e son primièr ministre, Jean-Marc Ayrault, o prometèt tornar-mai en decembre passat pendent la crisi bretona dels bonets roges, mejançant lo depaus d’una proposicion de lei socialista per revisar la Constitucion.





Los 39 engatjaments de la Carta retenguts en aquel vòte.



publicitat
BANER1-2-3: DGPL TRADUCTOR



Comentaris

5 de junh 21.23h

Dins lo besierés, emplegam un castelhanisme per qualificar aquèla mena de parlaire, disèm qu'es un cantamanhana.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

5 de junh 18.16h

Tots a Peiriguers doman !


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

5 de junh 13.31h

Sabem pron que nos fan préner barraus per cogorlas, coma disià l'autre, un còp (de messorgas) fai pas puta...m'as colhonat quand t'ai vist, President, te creirai quand veirai ton signe en debas del pergamin!


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

5 de junh 10.52h

Crese pas ben a las coïncidenças dins la politica, nimai au azard... Me pense que nos fau simplament remarciar un còp de mai le Dàvid Gròclaude e contunhar de credar çai e lai par la nòstra linga pardeque z-o vesèm ben que tot aquò-quí marcha v'raiment quand nos remudavem...


Valoriza aqueste comentari:   votar positiu 19   votar negatiu 0
Respondre comentari replica Comentari inadeqüat   Formulari d'abús de comentari

5 de junh 09.42h

Nos cal respondre al Rèi de França elegit en mai de 2012 per dos reproverbis occitans

1) Soi coma Sant Remesi, cresi çò que vesi
2) Promesa de Francés, promesa que val RES

E doman nos cal èsser plan nombroses al passa carrièra de Peireguers


Valoriza aqueste comentari:   votar positiu 14   votar negatiu 3
Respondre comentari replica Comentari inadeqüat   Formulari d'abús de comentari

5 de junh 09.15h

Astre del calendier amb la cauma de la fam occitanista e lo moviment occitan dels Mespresats...? De fach, cal que los occitanistas aguesson ben consciéncia que la revendicacion occitana es LA pèça de fòrça màger per far bolegar l'estat francés mas que los govèrns sabon que cal mostrar que ven pas dels occitans mas de "confettis" en rapòrt d'Occitània (bretons, còrses...).


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 de junh 08.46h

#2 Plan paure es lo que non pòt prometre.
Cada eleccion es un escoreguda destimborlada a las promesa. E aquel colhon de pòble i crei a-n-aquèlas promesas. Puèi una promesa còsta pas gaire, apèi sufíd'explicar qu'aquèla promesa amb la conjontura se podia pas far pr'aquò es totjorn dins las tiretas e quora se poirà far trantalhats pas se farà....
Beu de l'aiga pichon.....!
çò que devem veire son las realizacions, la promesa las podetz arronçar al fuòc. E subretot de vèire las rea... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 de junh 08.14h

Una promessa mai: coma disiá lo camèl de Sant Afrodisi cada còp que lo bloquièr de Brenús tornava sus las Alèas (la Passejada de Besièrs): un còp de mai! Mas l"Estat es pas l'ASB d'alara. La còla d'Astre , Cabròl, Estève et Cantòni èra mai de fisar e sovent tená sas promessas, ela! Hollande e sos predecessors sabon plan que las promessas dels politics emai de l'Estat...


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 de junh 08.06h

Apèi la tièra de messorgas del candidat Hollande es malaisit de crèire l'incresible. avèm pretz nòta !


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 18
  • sol Aush 17
  • sol Bordèu 19
  • sol Briançon 16
  • sol Caors 17
  • sol Carcassona 16
  • sol Clarmont-Ferrand 17
  • sol Confolent 16
  • sol Gap 16
  • sol La Canau 20
  • sol La Gàrdia 17
  • sol Limòtges 18
  • sol Lo Borg Sant Dalmatz 19
  • sol Lo Puèi de Velai 16
  • sol Marselha 19
  • sol Montpelhièr 18
  • sol Naut Aran 16
  • sol Niça 20
  • sol Nimes 18
  • sol Pau 18
  • sol Peireguers 17
  • sol Rodés 19
  • sol Tolon 20
  • sol Tolosa 17
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Aure Séguier

    Carnaval Biarnés 2017

  • © Laurenç Revèst

    Fòrt Maginòt de Sant Anhe

  • © Franc Bardòu

    Asuèlhs de Lauragués

  • © Franc Bardòu

    Catalonha etèrna

  • Sul mont Valièr

    L'estiu dels legeires de Jornalet 2018

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Catarin Seguran

    Las ribas del riu Tiniá d'estiu

  • Julien Cazenave

    17.02.2019: manifestacion a Brussèlas en sosten als independentistas catalans

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Briga (val de Ròia)

  • Irissa: prumèra edicion dera corsa populara de BTT

  • Asuèlhs comengeses. © Franc Bardòu

    Asuèlhs Comengeses

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Asalaís Moniguet

    Montpelhièr la lengadociana

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Sant Joan de Toran. Losats. © Xavi Gutiérrez Riu

    Val de Toran (Aran)

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Estivada 2013. © Guillem Sevilla

    Estivada 2013

  • © Laurenç Revèst

    Menton, 'a vivaroalpenca maritima

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)