Actualitats
Mièg sègle de passejadas espacialas
Lo 3 de junh de 1965, Ed White venguèt lo primièr astronauta de la NASA a se passejar dins l’espaci
Dimècres fasiá mièg sègle que l’astronauta estatsunidenc Ed White sortiguèt de sa capsula espaciala, en orbita a l’entorn de la Tèrra, e faguèt la primièra passejada espaciala. Mas foguèt pas lo primièr qu’o aviá fach: qualques meses abans, lo 18 de març de 1965, lo cosmonauta sovietic Aleksei Leonov ja o aviá fach.
Per White, l’experiéncia foguèt tan granda que quand li calguèt tornar a la nau, après vint minutas de passejada dins l’espaci, diguèt: “Es lo moment mai trist de ma vida”.
Aquelas doas primièras passejadas espacialas dobriguèron un nòu biais d’explorar l’espaci. Dempuèi, solament los astonautes de la NASA ja an fach mai de 250 passejadas espacialas, o d’autras activitats extraveïcularas (EVA) coma se ditz segon la terminologia de l’agéncia espaciala estatsunidenca.
Justament per festejar l’eveniment, la NASA a publicat en linha un documentari sus l’istòria de las passejadas e l’evolucion dels vestits espacials dins aqueles cinquanta ans:
Per White, l’experiéncia foguèt tan granda que quand li calguèt tornar a la nau, après vint minutas de passejada dins l’espaci, diguèt: “Es lo moment mai trist de ma vida”.
Aquelas doas primièras passejadas espacialas dobriguèron un nòu biais d’explorar l’espaci. Dempuèi, solament los astonautes de la NASA ja an fach mai de 250 passejadas espacialas, o d’autras activitats extraveïcularas (EVA) coma se ditz segon la terminologia de l’agéncia espaciala estatsunidenca.
Justament per festejar l’eveniment, la NASA a publicat en linha un documentari sus l’istòria de las passejadas e l’evolucion dels vestits espacials dins aqueles cinquanta ans:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari