Bandièra01 1180x150: Comuna de Tolosa

Actualitats

Palheròus: una fèsta dels formatges de tradicions independentista

Convidada pel vilatge occitan d’Auvèrnhe, una delegacion venguda de Catalonha a botada la question catalana al centre

| Les Flocons Verts . Pailherols - Cantal - Carladès
Dissabte e dimenge 6 e 7 de junh, la Fèsta dels Formatges de Tradicions del vilatge auvernhat de Palheròus, en Carladés, a qualques quilomètres d’Orlhac, qu’atrai aperaquí 20 000 vesitaires, portava las colors catalanas, dins un ambient tanben favorable a la causa occitana.
 
Catalonha, d’efièch, èra convidada d’onor, e i èra presenta una delegacion catalana compausada del cònsol de Ripoll, Jordi Munell, dels castellers Xerrics d’Olot, e d’un grop gastronomic de Santa Coloma de Queralt e de Santa Coloma de Farners.
 
S’aquestes cosinèron per 500 personas d’especialitats catalanas, dont lo celèbre pa amb tomàquet, e se mostrèron al public lo metòde tradicional catalan per beure (en porró), tanben porgiguèron un pichon espectacle en francés e occitan; la politica catalana e las relacions occitanocatalanas foguèron centralas. D’efièch, lo programa, en francés, definissiá Catalonha coma “una nacion sòrre d’Occitània”, plena de gratitud per çò que deu a Occitània, e coma una “nacion millenària”, un “país que se sent solidari de totes los autres e qu’aspira pas a l’independéncia per s’isolar, mas per botar sa sobeiranetat dirèctament en mans de l’Union Europèa, coma o fan uèi lo jorn los estats constituits dins l’Union”. Se vegèt dins lo vilatge una giganta estelada (bandièra independentista catalana), e s’installèt, lo ser del dissabte, un ecran el tanben gigant per que se poguèsse agachar la finala de la Liga dels Campions de fotbòl entre lo Barça e la Juve.
 
Lo catalan Ramon Sargatal, que parla francés, organizèt un debat sus l’independéncia de Catalonha e apelèt a l’encòp los catalans a sosténer la revendicacion occitana e los occitans a sosténer la causa catalana, mentre que lo cònsol occitan de Palheròus, Claude Prunet, afortiguèt son admiracion per la “nacion catalana” e desirèt que las relacions entre los dos pòbles se faguèsson mai estrechas.
 
L’escrivan Fèlix Daval, qu’aviá presidit en julh de l’an passat una delegacion occitana a Santa Coloma de Farners, s’associèt al movement dels Mespresats e declarèt, en tot admetre que las condicions politicas èran pas parièras, que Catalonha mostrava lo camin per la plena dignificacion de la lenga occitana.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Tàrrega Igualada (PP.CC.)
3.

Un motiu mès per sentr-t'he oargullós d'aquesta grand nació: Catalana i Óccitana.
Com diem : Visca la Terra...liure!
"El Tàrrega".

  • 1
  • 0
Francesc Palma de Mallorca
2.

Lo Carladés fou de la Corona Catalana-Aragonesa e de lo Regne de Mallorca. M'agués agradat veire la gran victòria del Barça de la nostra gran nación occitano- catalana. Provençals vaquí la copa que nos ven dels catalans,......,catalans de luenh o fraires comuniem tots en sems. Veierets las senyeras, per mai de 400.000.000 telespectador. Fou polit.

  • 1
  • 0
Pirolet
1.

O tòrni dire: del MOVEMENT DELS MESPRESATS, justament, ne cal far un formatge!
Avètz plan legit: ne cal far (e pas ne cal pas far).

  • 2
  • 0

Escriu un comentari sus aqueste article