Los taxistas de Marselha faguèron una jornada de protèstas fòrça violentas, diluns passat, per protestar contra lo desbarcament d’Uber dins la Ciutat Focèa, segon çò que rapòrta La Provence. D’automobilas d’Uber blocadas, de gomas desgonfladas, aquò es lo bilanç d’una jornada accion que los taxistas marselheses e mai i bloquèron lo luòc ont Uber fasiá sa reünion d’informacion e recrutament. Lo servici Uber, ja disponible a Bordèu, Tolosa e Niça, se retirèt de l’estat espanhòl precisament a causa de las fòrtas protèstas dels taxistas.
 
Uber es una societat californiana, qu’amb 13,35 miliards d’èuros, a fach una de las avaloracions mai nautas de las dichas “start-ups”. Se tracta d’una aplicacion de transpòrt collaboratiu que met en contacte dirèctament de passatgièrs e de menaires particulars per far de desplaçaments amb de tarifas fixadas d’avança. 



Les taxis marseillais s'en prennent à un...per LaProvence