Bandièra01 1180x150: Comuna de Tolosa

Actualitats

crotz-tolosaCreated with Sketch.LemosinLemosinPaís de la Vinhana

Basquet: Lemòtges es vengut campion de França de Professional A

Es l’onzen còp que l’esquipa lemosina ganha lo títol, e lo segond consecutiu

| Pooh Jeter
L’esquipa de basquet de Lemòtges es venguda lo campion de França de Professional A, en s’impausar a l’esquipa d’Estrasborg per 82 a 75. Los esportius lemosins aital son venguts campions de França per l’onzen còp, e per lo segond còp consecutiu après lor victòria d’arunan.
 
Lo basquet es aquel espòrt que tot i pòt cambiar al darrièr moment, e es aital que la victòria de l’esquipa lemosina arribèt dins las darrièras dètz minutas, amb la participacion estellara d’Eugene Jeter, que faguèt 11 ponches.
 
La còla de Jornalet felicita l’esquipa occitana de basquet. Arri Lemosin!
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JCD
4.

Autanben, prumiera equipa de França tots espòrts collectius confonduts d'aver ganhat un championat european en 1982 de çò que sabe.

  • 0
  • 0
Lilian Chovèl Clarmont d'Auvernhe / Le Crest / País-domés
3.

Qu'ei Lemòges la granda qu'afortís son retorn sobre le davant de la scena dau basquèt! Peitave aquò desempuèi tot petiòt... 'quò me fai franc plaser!... ;-)

  • 4
  • 0
Matieu Castel Marselha
2.

#1 Òsca Lemòtges òc ! Un títol de campion qu'anarà pas a París aquesto còp.

Se que non, vòli pas espepidonar mai "prumiera equipa tots espòrts confonduts d'aver ganhat lo championat d'Euròpa mai prestigiós en 1993" es un pauc exagerat puei que l'OM fuguèt campion d'Euròpa la mesma annada. Que sieguesson estats sacrats un pauc a l'avans per rason de calendier càmbia ren : son estats campions en mesme temps puei qu'en espòrt se compta per sason (aicí 1992-1993) e pas per data preciza (çò que me sembla una evidéncia).

Esperam lo retorn de Pau ara !

  • 5
  • 0
JCD
1.

Limòtges forever !!!!!! Onzesme còp champion de França, equipa la mai consacrada dins los championats europeans (5 còps), prumiera equipa tots espòrts confonduts d'aver ganhat lo championat d'Euròpa mai prestigiós en 1993.

  • 5
  • 0

Escriu un comentari sus aqueste article