Actualitats
Tolosa: la serada occitana deu Rio Loco completa dab mei de 23 000 personas
Que podem parlar de gran succès per aquesta hèsta consacrada a la musica dens la lenga deu país
Dissabte passat a Tolosa a la prada deus filtres qu’èra la serada “Occitània” deu hestenau de musica Rio Loco. Las autas seradas qu’èran consacradas a las musicas d’America, d’Africa e d’Euròpa.
Que i avó tanben autes eveniments en lenga nosta qui balhèn ua tonalitat d’enradigament dens lo país a aqueste hestenau organizat per la comuna de Tolosa e qui’s vira meilèu cap a l’exterior de costuma.
A l’aficha, grops prestigiós de la nosta scèna musicala: Dupain, Guilhèm López, Artús, lo Còr de la Plana e Massilia Sound System.
La prada deus filtres que s’obriva a 16h30 e la fin qu’èra prevista a 2h. A partir de 8h —quand arribèi, macarèu— l’entrada qu’afichava “complet” e la bilheteria qu’èra barrada.
Segon ua persona de l’organizacion deu hestenau, “La serada de dissabte que comptava 23 000 personas. N’ei pas frequent [que lo hestenau sia complet a partir de 8h] mes qu’arriba”.
E monde que n’i avè bon drin tanben suu pont nau, on se podè enténer pro plan la musica mes pas véder arren, e pertot a l’entorn de la prada.
Lo nombre de hestaires qu’ei donc de mau estimar mes que podem parlar de gran succès per aquesta hèsta consacrada a la musica dens la lenga deu país.
Pascau Sebat
De legir e veire sul blòg occitan de France 3: "Rio Loco e occitan: una capitada"
L'evenimentl sus Arte
Que i avó tanben autes eveniments en lenga nosta qui balhèn ua tonalitat d’enradigament dens lo país a aqueste hestenau organizat per la comuna de Tolosa e qui’s vira meilèu cap a l’exterior de costuma.
A l’aficha, grops prestigiós de la nosta scèna musicala: Dupain, Guilhèm López, Artús, lo Còr de la Plana e Massilia Sound System.
La prada deus filtres que s’obriva a 16h30 e la fin qu’èra prevista a 2h. A partir de 8h —quand arribèi, macarèu— l’entrada qu’afichava “complet” e la bilheteria qu’èra barrada.
Segon ua persona de l’organizacion deu hestenau, “La serada de dissabte que comptava 23 000 personas. N’ei pas frequent [que lo hestenau sia complet a partir de 8h] mes qu’arriba”.
E monde que n’i avè bon drin tanben suu pont nau, on se podè enténer pro plan la musica mes pas véder arren, e pertot a l’entorn de la prada.
Lo nombre de hestaires qu’ei donc de mau estimar mes que podem parlar de gran succès per aquesta hèsta consacrada a la musica dens la lenga deu país.
Pascau Sebat
De legir e veire sul blòg occitan de France 3: "Rio Loco e occitan: una capitada"
L'evenimentl sus Arte
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Duas correccions, lavetz : 1 :au lòc de "Que podem parlar de gran succès per aquesta hèsta consacrada a la musica dens la lenga deu país" que cau léger "Que podem parlar de gran succès per aquesta hèsta consacrada AU BRUT ÒRRE dens la lenga deu país"
2: Que cau léger Dupain a la plaça de Du Bartas. Que'm soi borrat, Du Bartas n'i èran pas , desolat!
Me vau far d'amics :-)
çò que vèni de vèire e d'escotar al pus mens tres parelhs de còps, es orra, es pas cantar es gular, a cap de moment los cantaires son dins la musica tsssst dins lo bruch voliai díser.
Avèm, costat cançons e musica, mai que de trabalh a far.... E apèi trent'ans de cançons occitanas, pòdi pas picar de las mans quora sembla a ren de ren... si que non un salmigondís de mai e ont de segur degun i trobarà son arma...
Mas benlèu descovri que soi pas mai occitan....en escotent aquò
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari