Bandièra01 capçalera  1180x150: Novestivada

Actualitats

Carmauç aurà sa Calandreta a partir de la rintrada

Es previst que cada an se dobrisca una classa de mai

| Calandreta de Rodés
Carmauç (Segalar) aurà son escòla Calandreta a partir de la rintrada que ven, segon çò que rapòrta La Setmana. L’associacion Belugueta a capitat a menar a tèrme lo projècte e a partir de setembre un desenat d’escolans de mairala faràn escòla en occitan.
 
Aquel projècte es fruch del trabalh d’un desenat de parents d’escolans segalins sostenguts per la Federacion regionala de Calandreta. Après un long trabalh e mai d’un eveniment organizats per sensibilizar e per collectar d’argent, an engatjat una regenta e lo personal d’enquadrament.
 
Mentre que los calandrons puèjan en nivèl, es previst que se dobrisca cada an una classa de mai. Aital o demòstra l’experiéncia de la Calandreta de Rodés, que fonciona dempuèi quinze ans, o la d’Albi, qu’amb cinc ans de vida ja compta 60 escolans.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Carles Caurs Gap
2.

Òsca a-n-aquela calandreta! "Joan Jaurés" ? Bona idèia ! E tanben qualques panèls pintrats pels calandrons amb los mots" Jaurés res de res" . Un pauc de poesia dins aquel mond poirit per l'argent ?

  • 1
  • 0
Pirolet
1.

Òsca a la nòva calandreta! E se sonarà "Joan Jaurès"?

  • 3
  • 0

Escriu un comentari sus aqueste article