Bandièra01 capçalera  1180x150: Novestivada

Actualitats

Women On Waves a mandat de pilulas abortivas a Polonha amb de drònes

L’associacion feminista vòl atraire l’atencion amb una accion mediatica en favor del drech d’avortar de las polonesas

Women On Waves es una celèbra associacion feminista nascuda en 1999 als Païses Basses amb la tòca de far possible l’accès a servicis de la santat reproductiva e de la planificacion familiala al maximal nombre de femnas e, a l’encòp, de facilitar l’avortament als païses ont es enebit o fòrça limitat. Al començament o fasiá amb un vaissèl clinic sus d’aigas internacionalas e, darrièrament, o fa en enviant de pilulas abortivas per corrièr postal a qui ne sollicite. Lo 27 de junh passat assagèt un nòu sistèma de liurason, per mejan de drònes.
 
Dins una accion de grand resson mediatic, Women On Waves mandèt amb un dròne dempuèi Alemanha un petit cargament de pilulas per avortar en Polonha, ont l’avortament es solament permés en cas de violacion o d’incèst, se la vida de la femna es en perilh o se lo fètus a un risc de malformacion.
 
L’aparelh subrevolèt la frontièra e en tot aterrar sul territòri polonés, ont de grops de femnas ja avertidas recebèron lo cargament. L’associacion diguèt: “E mai s’es illegal d’avortar dins aquel país, Women On Waves crei que se pòt pas perseguir las polonesas per aver pres la pilula o per d’accions que causen avortaments involontaris”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article