Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnVath d'Aussau

Pastorala Aussalesa a Castèth (Bearn)

deu 20 dinc au 22 de julhet

Castèth (Bearn)
Castèth (Bearn) | Pastorala Aussalesa

Ça-vietz descobrir la pastorala "Au miralh deu conte", de qui los personatges son los eròis d’un conte de Joan Francés Bladèr, mesclats aus d’ua pèça en vèrs, en bearnés: "U Rey malurous", escriuta per Simin Palay. 


Qu'ei l’istuèra d'un rei joen qui dèisha tà la crotzada, l’esposa  e los mainats, en deisha’us a la soa mair verimosa. Aquesta hèita que torna brembar la de Genevièva de Brabant, pastorala qui estó presentada en Aussau peus sègles passsats.
 
Presentat per la Pastorala Aussalesa au vilatge de Castèth, dab un hèish d’actors qui’s balhan per ambicion de har conéisher la vath d’Aussau, lo son dinamisme e d’amuishar que la tradicion, las danças, las cantas e la practica deu bearnés e son estadas e son tostemps la règla de vita deus aussalés.
 
Las tres representacions de la Pastorala Aussalesa que’s debanaràn de ueit òras dinc a dètz òras e mieja deu ser, sus un empont flotejant installat suu lac de Castèth, au pè de la tor màger deu sègle tretzau. L’espectacle que s’acabarà per un huec d’artifici.
 
Que poderatz tanben profieitar de mantuas animacions qui’s hàran au vilatge: visitas guidadas arquitecturaus (quate òras deu vrèspe lo dissabte e lo dimenge), mustras de mestièrs vielhs (lo dissabte, parguia de la bòrda Poustis), animacions musicaus e danças tradicionaus (lo dissabte e lo dimenge), quilhas de 9…
 
Divés 20 / 18h30: Ubertura deu lòc, 20h: Espectacle
Dissabte 21 / 18h30: Ubertura deu lòc, 20h: Espectacle seguit d’ua serada "Danças e musicas tradicionaus"
Dimenge 22 / 11h: Missa dens la glèisa de Castèth, 12h30: Disnar campèstre (reservacion 06 76 90 54 68), 20h: Espectacle
 
Prètz de las plaças: 12 € per adulte, 8€ peus 12 - 17 ans, a gratis peus mensh de 12 ans. Tà mei d’indicas.




InÒc Aquitània

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article