CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dissabte, 19 d'octòbre

Actualitats

Diluns, 20 de julhet de 2015, 03h00 Politica,Internacional,Economia

Giannis Varoufakis: “La nòstra Eurozòna es un luòc incomòde per las personas decentas”

Segon l’èx-ministre, “l’Eurogrop es totalament contrarotlat per Alemanha, a pas d’existéncia legala, respond pas davant degun, i a pas de comptes renduts de las reünions, e es confidencial”


Comentaris 8 comentaris    
Marrit Flac Bon Plan bon Fabulós (6 vòtes)
carregant En cargar


L’Eurogrop seriá “totalament e absoludament” contrarotlat per Alemanha, segon las declaracions de l’èx-ministre grèc de las finanças Giannis Varoufakis dins una entrevista per la revista New Statesman, que se faguèt qualques jorns après la demission d’aquel èx-ministre, mas qualques jorns abans que Grècia signèsse lo pache amb los creditors.
 
“La nòstra Eurozòna es un luòc incomòde per las personas decentas”, çò diguèt Varoufakis en afirmant que l’estonariá pas que lo primièr ministre Alexis Tsipras acceptèsse un “acòrdi fòrça marrit”. “Compreni que se sentisca obligat amb los que nos an donat lor sosten e que vòlga pas que lo nòstre país venga un estat en quincanèla. Mas vau pas cambiar mon vejaire, qu’es lo meteis dempuèi 2010, que Grècia deu quitar d’ajornar e de far semblant, nos cal arrestar de demandar de nòus crèdits e far semblant qu’avèm resolgut lo problèma, quand es pas vertat, quand lo nòstre deute es encara mens sostenable amb de nòvas mesuras d’austeritat qu’enfonzan encara mai l’economia, e lo pes tomba de mai en mai suls qu’an pas res, amb una inevitabla crisi umanitària. Soi pas dispausat a o acceptar. Que compten pas amb ieu”.
 
Segon l’èx-ministre grèc de las finanças, un acòrdi de tèrme cort, amb tres o quatre reformas, se seriá pogut signar pauc après que Syriza arribèsse al poder en genièr. Pasmens, l’autre costat “insistiguèt sus un acòrdi global, es a dire, en parlar de tot, que segon mon opinion, equival a voler parlar de pas res”. “O volián tot tre lo primièr moment. Diguèron que s’aprovàvem quina lei que foguèsse, o considerarián una accion ostila e dirián als mèdias que lor fasiam pèrdre de temps. Èra una autentica trapèla”.
 
Per Varoufakis, lo màger problèma del foncionament de l’Eurogrop —que segon el es totalament contarotlat per Alemanha— es que se tracta d’“un grop sens existéncia legalament reconeguda, sens un tractat que lo sostenga, mas amb un poder maximal per decidir sus la vida dels europèus. Respond pas davant degun, i a pas de comptes renduts de las reünions, e es confidencial”.
 
A respècte d’autres païses amb de deute, coma Espanha, Itàlia, Portugal e Irlanda, Varoufakis revelèt tanben que los creditors “expliquèron fòrça clar tre lo primièr moment qu’èran los nòstres piègers enemics, sustot s’obteniam un acòrdi mai favorable per Grècia que los daissèsse en marrida posicion davant lors pròpris ciutadans”.
 
Tocant lo dich “Grexit”, e a dire, que Grècia quitèsse l’èuro, Varoufakis es pas segur que siá una bona opcion.



publicitat
BANER1-2-3: DGPL AN LAFONT



Comentaris

23 de julhet 22.07h

I a quicòm que compreni pas. Pareis que los sicuts financièrs d ' Itàlia de França, d' Espanha , de Portugal , quitament Anglatèrra son piègers que lo de Grècia .
Que nosautres " francés" devèm quicòm coma 20000 euros per estajant ( una palha! ).
Primièra question : sètz ( sèm) d'acòrdi per pagar?
Segonda question: la tabasada de Grècia , fin finala es pas qu'un ensag « pedagogic» a destinacion dels autres pòbles , per los acostumar a pagar tota la vida una renda... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 22.23h

Alamnah non mestreja Euròpa. Sonque lo capital sens dieu ni mèstre mestreja Euròpa. L'Aristocracia financiària mestreja euròpa, qu'es benlèu melhor representada a Alamanha qu'a França. Mas vos rapèli qu'una ablacanta majoritat de paures,e mai de paurasses patís en Alamanha del neoliberalisme, tanplan benlèu coma los Grècs. Lo capital a pas cap nacion, cap termièra ni cap mèstre e non li val un quita galinòt quina volontat populària democratica, exprimida siá per mas urnas, siá ... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 19.45h

Mercés Joan-Marc. As rason. Ieu ai emplegat l'expression francesa sens cercar mai.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 14.03h

#1 Adiu Sèrgi,
Èi un jorn legit que l'expression èra fin finala "Voler lo beure e l'argent deu beure", e que seré d'origina occitana passat au francés. Sembla logic, mes de verificar de tot biais.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 13.25h

Ai ! de decas ! *cal balhar x2


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 13.23h

Cal gardar en cap qu'aquela afar de l'abausonament de l'economia grèga es pas una afar rapòrts dintre de nacionalitats, mas una afar subretot ideologica.

Tot aicí es portat per las creséncias del neoliberalisme, que va dire que sens intervencions de las fòrças publicas lo mercat tornarà a l'equilibri, tot sol, sens intervencion, e qu'aital, l'estat grèc se cal demesir. S'acòrda un manlèu sonque se i a una demesida de l'estat.

La vertat es que l'euròpa deu èsser solidari de sos sò... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 12.13h

Me sembla una causa segura Grècia auria degut eissir de la zona eurò per qualquas annadas, me sembla qu'èra lo milhor mejan de se tornar quilhar e de tornar dins zona eurò....

Ara Grècia a signat quicòm que Euròpa nimai Grècia tanpauc i crèson...
Vertat es que Euròpa es josmetuda a alamanha, que lo coble "Franco-Allemand" es sonque una vision francimanda. D'un autre band Eurògrop exitís pas legalament e es una entitat ont mestreja alemanha.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 08.22h

"Tocant lo dich “Grexit”, e a dire, que Grècia quitèsse l’èuro, Varoufakis es pas segur que siá una bona opcion". Varoufakis sap pas çò que vòl, se crei al paradís, vòl lo burre e l'argent del burre. O deuriá arrestar de "fumar lo chichonet", o deuriá arrestar de far de politica.


Valoriza aqueste comentari:   votar positiu 3   votar negatiu 10
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 13
  • sol Aush 13
  • sol Bordèu 14
  • sol Briançon 11
  • sol Caors 12
  • sol Carcassona 13
  • sol Clarmont-Ferrand 12
  • sol Confolent 14
  • sol Gap 8
  • sol La Canau 14
  • sol La Gàrdia 12
  • sol Limòtges 12
  • sol Lo Borg Sant Dalmatz 15
  • sol Lo Puèi de Velai 13
  • sol Marselha 19
  • sol Montpelhièr 18
  • sol Naut Aran 11
  • sol Niça 16
  • sol Nimes 19
  • sol Pau 14
  • sol Peireguers 13
  • sol Rodés 13
  • sol Tolon 14
  • sol Tolosa 13
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Mónegue

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Coserans: Sent Líser, Casavèth, Sent Guironç, Saurat...

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Asuèlhs de Menerbés. © Franc Bardòu

    Asuèlhs de Menerbés

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Julien Cazenave

    17.02.2019: manifestacion a Brussèlas en sosten als independentistas catalans

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Margaria Pepin

    Adobament dal Grand Prèmi de Mónegue de 2014

  • © Xavi Gutiérrez Riu

    Tarba

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Bersorèlh : quartiers e maions ai noms occitans

  • Gavotina marítima: trofèu d'August e vila vielha d'A Torbia

  • © Franc Bardòu

    Darrièr refugi abans l’envòl (1206-2016)

  • Concors de preseps de Jornalet 2017

  • © Franc Bardòu

    Coserans al còr

  • Mentan

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)