Bandièra01 1180x150: Comuna de Tolosa

Actualitats

Cuba e los Estats Units: lo darrièr vestigi de la guèrra freja es tombat

Aqueste diluns an tornat dobrir las ambaissadas de l’Avana e de Wahsington, un pas de mai dins lo restabliment de las relacions diplomaticas entre los Estats Units e Cuba

Ambaissada de Cuba als Washington
Ambaissada de Cuba als Washington | wikipedia
Los Estats Units e Cuba an dobèrt aqueste diluns passat lors respectivas ambaissadas, çò que simboliza lo restabliment de las relacions diplomaticas entre los dos païses. Lo secretari d’estat dels Estats Units, John Kerry, e lo cancelièr cuban, Bruno Rodríguez, se trobèron a Washington per clavar aquel acòrdi simbolic qu’a mes fin a cinquanta ans d’enemistat e de blocatge
 
La delegacion cubana als Estats Units èra formada per un trentenat de personas dont lo cantaire Silvio Rodríguez. L’acte foguèt multitudinari, amb la preséncia d’aperaquí cinc cents convidats. Tocant l’ambaissada dels Estats Units a l’Avana, lo Departament d’Estat anoncièt que se fariá pas cap d’acte especial fins al moment que John Kerry i poguèsse assistir.
 
S’anoncièt fa sèt meses lo restabliment de las relacions diplomaticas, trencadas en 1961. Aquel an, lo president estatsunidenc Dwight Eisenhower barrèt l’ambaissada dels Estats Units a l’Avana, paucas setmanas abans la presa de possession del president just elegit John F. Kennedy.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article