Bandièra01 1180x150: Comuna de Tolosa

Actualitats

Rodés: comença de se bastir l’Assemblada Nacionala Occitana

Aquela estructura cèrca d’amassar totes los sectors de la societat del país per la far avançar dins “la recuperacion de la consciéncia nacionala occitana”

An profechat que l’Estivada de Rodés amassava fòrça mond per far dins la capitala de Roergue una reünion constituenta de l’Assemblada Nacionala Occitana (ANÒC), nom encara provisòri.
 
La tòca d’aquela associacion, que vòl èsser transversala e integratritz, es de bastir “una organizacion populara, plurala amb una estructura politica digna e de drech internacional”, çò es, una estructura que tòque la majoritat del movement associatiu, politic e social del país amb la tòca de lo far avançar dins “la recuperacion de la consciéncia nacionala occitana”.
 
Lo prepaus de l’ANÒC es, doncas, la reconeissença d’Occitània coma nacion e, doncas, que se li reconesca lo drech d’autodeterminacion per, s’o vòl aital, se constituir en estat independent. E mai, l’ANÒC precisa qu’aquel estat occitan deurà èsser “de drech, democratic, social e ecologic”. Divèrsas organizacions i an aderit, aital coma de personas a títol individual de pertot del país. Delà aquel objectiu politic ambiciós, la nòva associacion tanben vòl promòure l’usatge de la lenga occitana, mai que mai dins l’educacion.
 
La reünion contunharà a Montpelhièr (o benlèu a Seta) lo 25 d’octòbre de matin, un jorn après la manifestacion per la lenga occitana.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lachaud
2.

Au nom dau governament autonòme d'Occitania qu'existe nonmas dins mas pensadas, mas qu'a lo merite de portar naut e fòrt l'idéia de l'identitat occitana, vos saluda.
Avem doas lengas, doas culturas, l'una obligatoria, oficiala; l'autra es estatda reprimada, rebutida per los occitans, mas preservada per la volontat d'una minoritat d'intelectuaus occitans e degun pòd dire lo contrari. L'istòria d'occitania a totjorn estada conflictuala emben la França que la decopada en departaments en regions que se viesan de travers en plaça de s'assemblar. Lo trafic se fai dins lo sens nòrd/sud au detriment de las relacions transversalas e dau massif centrau. Occitania existara quand coparem lo trafic au sud de Lion e au nòrd de Bordeu e que lo faretz iriguat tota l'occitania. Sufis dins un premier temps que l'idéia siaja dins las pensadas daus occitans; es pas la peina de zo far materialament mas podam lo revendicar e lo far de faiçon pacifica.
Au nom dau governament autonòme d'Occitania, qu'exista mas dins mas pensadas mas qu'a lo merite de portar naut e fòrt l'idéia d'identitat occitana, damandam lo divòrci d'emben França. França e Occitania es mas un cople que pòd se demarida coma dins las familha.I a pron de grief.

Coneissi pas l'Anòc, pas mai que çò qu'es estat dit aqui, mas aquò sos mas ideias dau moment.

  • 4
  • 3
Pirolet
1.

Cossî far per aderir a l'ANOC?

  • 6
  • 0

Escriu un comentari sus aqueste article