Bandièra01 1180x150: Comuna de Tolosa

Actualitats

Hollande rebaissa la TVA a 19% e carga de 75% los revenguts superiors al milion d’èuros

| François Hollande

Los deputats franceses, en un vòte que s’acabèt dijòus a 3 oras del matin, aprovèron los emendaments presentats dins la darrièra propòsta de mesuras fiscalas del govèrn nòu.


Aquelas mesuras preveson, coma o prometèt la còla economica de François Hollande, la reduccion de la TVA fins a 19%. L’executiu precedent, presidit per Nicolas Sarkozy, aviá aprovat d’aumentar aquel impòst a 21% a partir d’agost. La mesura, doncas, èra pas en vigor e Hollande ven de la tombar. Per contra, se contrarotlarà las oras de trabalh suplementàrias, al delà de las 35 oras setmanièras.
 
Mas la proposicion mai ardida es l’implantacion d’una taxa de 75% pels qu’ajan de revenguts superiors al milion d’èuros. Es una mesura excepcionala, destinada a palliar lo deficit de l’Estat. Lo debat sus la justícia o l’injustícia d’aquela taxa se vei exemplificada per l’engatjament de Zlatan Ibrahimović al París-Saint-Germain. Lo jogaire recebrà 14 milions d’èuros, mas lo fisc francés ne recebrà mai de 60.
 
Es un primièr passatge fàcia a la modificacion de l’impòst de solidaritat sus la fortuna (ISF) previst pel budget de 2013. Amb la novèla mesura aprovada, dins lo debat parlamentari, per melhorar lo budget d’ongan e estalviar entre 6000 e 10 000 milions d’èuros suplementaris, lo govèrn espèra recobrir qualques 2,3 miliards d’èuros addicionals.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alícia Montpelhièr
1.

A i faire pas pron mèfi, lo creiriam de senèstra, aqueste òme. Bèla presentacion… Esperèm leis fruchas per jutjar l'aubre, coma o disián Aristòtol e lo Crist…

  • 0
  • 0

Escriu un comentari sus aqueste article