Bandièra01 1180x150: Comuna de Tolosa

Actualitats

crotz-tolosaCreated with Sketch.Gasconha

Grèu incendi près de Bordèu

Comencèt divendres e a représ dimenge après èsser estabilizat

Un incendi crèma dempuèi divendres passat mai de 500 ectaras de bòsc a solament 20 quilomètres de Bordèu, a la Lana Gran, al País de Bug, a la Grava de Bordèu e en Medoc. Aperaquí 270 ostals son estats evacuats a Cestàs, Sant Joan d’Ilhac e a Peçac, e mai se la prefectura a remembrat que “cap d’abitacion non es pas estada atenta” per las flamas.
 
“Fau estar modèst fàcia a la natura”, çò remembrava a Le Figaro lo coronèl Dominique Mathieu dels pompièrs de Gironda en seguida que l’incendi reprenguèsse après èsser estabilizat.
 
Lo departament de Gironda èra ja en risc d’incendi “sevèr”, e es en risc de novèls fuòcs. Tocant la catastròfa que nos concernís, una enquèsta en ja en cors e quitament i a de gàrdias a vista, segon lo ministre de l’interior francés Bernard Cazeneuve, qu’anèt còp sec sus plaça.
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Víctor Capdet Vilanova i la Geltrú, Catalonha
1.

En Catalonha patissèm tanben un grèu incendi. Una pensada solidària.

  • 2
  • 0

Escriu un comentari sus aqueste article