Lo Musèu de l’Òme de Tautavuèlh (o Talteüll, en Catalonha) a anonciat que s’es trobat un dent umana que pòt aver cent mila ans de mai d’ancianetat que las rèstas umanas qu’avián documentadas fins ara dins aquel endrech. La descobèrta d’aquesta setmana, doncas, fa recular fins a 560 000 ans l’edat las rèstas umanas mai vièlhas trobadas a Tautavuèlh, concretament al jaç de la Cauna d’Aragó, al costat de las Corbièras occitanas.
 
“550 000 ans, nòva data”, çò a publicat lo musèu sus sa pagina Facebook. Segon lo jornal Midi Libre, la pèça se nomena “Aragon 149”, car es la 149a dent d’ominid trobada dins aquela tuta, quand s’excavava un nivèl correspondent a un periòde freg, sec e ventós de la Preïstòria.
 
La trobalha d’ara s’apond a totas las pèças umanas e a las aisinas documentadas pendent mièg sègle d’excavacions al jaç. Se comencèt en 1967, amb Henry de Lumley en cap.