Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaLanas e LabritBaish Ador

Martial inaugura en occitan las Fèstas de Baiona

Lo jove cantaire baionés a legit lo prosei d’ongan per inaugurar las celèbras fèstas de la capitala del Bas Ador

An començat las Fèstas de Baiona, la vila occitana del Bas Ador ont las culturas gascona e basca se desvolopan en convivéncia. Es atal qu’ongan se pòt seguir sus Twitter las etiquetas #HèstasdeBaiona, #BaionakoBestak e #FêtesdeBayonne.
 
Coma cada an, l’occitan es estat plan present dins la ceremònia de dobertura que s’es debanada al balcon de l’ostal de la comuna. Lo prosei, escrich per Sèrgi Javaloyès a la demanda de l’InÒc, l’a legit lo cantaire baionés Martial e l’an repicat coma un còr tot lo mond que s’èran assemblats davant l’ostal de la vila.
 
Après se debanèt lo getar de las claus en onor de Baiona, sas fèstas e sos festejaires.
 
Podètz veire l’intervencion de Martial al vidèo que seguís a partir de la minuta 7:50.
 
 

Ouverture des Fêtes de Bayonne 2015per VilleDeBayonne





fffff  fffff
 Lo prosei: ceremònia oficiau d’obertura de las Hèstas de Baiona
 
Haut! Vivòsta! Doblevant!
Baiona, Baiona,
qu’ei lo ton dia sacrat, las claus getaràn!
Dens quauques momentòts
que cabuçaràs dens l’inconegut parçan de la hèsta, de la timpona!
 
Haut! Vivòsta! Doblevant!
Deu Bascoat vienguts, d’Iparralde cossirats,
las cantas, las flabutas e los txistus
que tringlan ja dens lo ton còr de pòrt e de vila vitèca!
 
Gascona, basca, universau!
De Gasconha, d’Occitània sancèra
los tons crits que’s mesclan a la horra blanca e roja,
tots amassa que seràn urós de’t tornar conéisher,
de t’aimar atau, grana e simpla,
esgarada au cap deus gaves amassats qui’s juntan a Ador.
 
Haut! Vivòsta! Doblevant!
Baiona, sia de qui cau,
esberrida, tostemps atau!
 
 
 
 
Sèrgi Javaloyès
 
     


 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Iruñerritarra naiz Iruñea
5.

VISCAN LAS HÈSTAS DE BAIONA/GORA BAIONAKO BESTAK! VIUA/GORA BAIONA!

Una granda avançada que lo cònsol aja daissat que lo 'Rei leon' parlès en gascon e en basc.
Aurrerapauso handia herriko etxeak 'errege lehoiari' euskaraz eta gaskoieraz hitz egiten utzi diola.

  • 0
  • 0
RIPOLLS Emmanuel BAIONA
4.

#3 E òc, com ac sabem tots, de l'aviada prumèra deu noste monde, tots los ciutadans de Gasconha qu'an popat la lenga au brèç. Totun, quan los nostes "amics", ahiscats de la prononciacion, e deisharàn d'arcastar monde qui temptan, essajan, de parlar la lenga qui n'an pas aprés malaja dab pair e mair o a l'escòla. Quan ?

  • 6
  • 3
roucau
3.

"BayouNA ! BayouNA ! BayouNA !" http://www.gasconha.com/spip.php?breve367#forum54272

  • 6
  • 15
Pèire T. TOLOSA
2.

Fòrt plan.
E ara sul Google :

http://www.20minutes.fr/high-tech/1660207-20150730-google-ajoute-20-langues-appli-traduction-visuelle

Podètz legir la lista de las novelas lengas que son tradusiblas. Pas cap d’Occitan ! Per seguir…

  • 5
  • 0
Pirolet
1.

Un brave prosei per las fèstas. Òsca Baiona!

  • 6
  • 0

Escriu un comentari sus aqueste article