CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dimars, 11 d'agost de 2015, 03h00 Societat,Politica

Gasconha > Val d'Aran > Pujòlo

L’èx-clavaire del PP condemnat per corrupcion fa sas vacanças en Occitània

Luis Bárcenas a demandat al jutge 13 jorns de comjat que los passa dins una maison de luxe en la Val d’Aran


Comentaris 3 comentaris    
Marrit Flac Bon Plan bon Fabulós (5 vòtes)
carregant En cargar


L’èx-clavaire del Partit Popular, Luis Bárcenas, condemnat en preson per corrupcion e emblanquiment d’argent, fa sas vacanças en Occitània. Lo jutge li a concedit 13 jorns de comjat e los passarà en la Val d’Aran, dins una maison de luxe a Vaquèira, qu’es sasida perque foguèt, presumidament, pagada amb l’argent del ret de corrupcion. Segon la lei, pòt pas vendre aquel ostalàs, mas si que ne pòt gaudir.
 
Bárcenas demandèt aqueles 13 jorns de vacanças tre que lo daissèron en libertat jos una caucion de 200 000 èuros après passar sièis meses en preson.
 
 
L’afar Gürtel
 
Bárcenas es condemnat per l’afar Gürtel, un afar politicofinancièr que seguís una enquèsta menada a partir de febrièr de 2009 pel jutge de l’Audiéncia Nacionala espanhòla, Baltasar Garzón. E mai se lo jutge es estat destituit e enseguit, l’afar es encara en cors d’instruccion e implica un presumit ret de corrupcion ligat al Partit Popular (PP).
 
 
L’afar Bárcenas
 
Lo 31 de genièr de 2013, lo jornal espanhòl El País publicava una seguida de documents nomenats “los papièrs de Bárcenas”, que mostravan d’evidéncias de l’implicacion de l’èx-clavaire del Partit Popular (PP) en d’afars de corrupcion coma l’emblanquiment d’argent.
 
Segon las informacions desveladas per aquel jornal, Luis Bárcenas distribuiguèt d’argent, venent de dons d’entrepresas privadas, als nauts responsables del PP pendent sa gestion coma administrator d’aquela fòrça politica.
 
Luis Bárcenas foguèt condemnat a dètz e nòu meses de preson en julhet de 2013, acusat de malversacion de fonzes, de blocar d’argent, de portar una dobla comptabilitat e de pagar de gratificacions a de membres del PP. En genièr de 2015 foguèt liberat jos una caucion de 200 000 èuros e cada diluns, dimècres e divendres se deu presentar a l’Audiéncia Estatala (“Audiéncia Nacionala”) espanhòla, un tribunal d’excepcion qu’es en Madrid. Pendent aqueles jorns de comjat se presenta davant lo tribunal de Vielha.
 
L’escandal es vengut de mai en mai grand dempuèi lo jornal El Mundo, mai d’un còp, a publicat mai de documents sus l’afar e quitament los SMS de telefòn mobil que s’èran mandats Mariano Rajoy e Luis Bárcenas. Segon aqueles messatges se prometiá a Bárcenas qu’intrariá pas en preson. E es precisament tre que l’èx-clavaire intrèt en preson que sa declaracion desvelèt un escandal de finançament illegal e de gratificacions en negre que tocariá lo president espanhòl, Mariano Rajoy, e qualques membres del sieu govèrn.
 
D’autre caire, cal dire que i a un sector del PP qu’es pas dins lo govèrn, qu’es guidat per l’èx-president José María Aznar e qu’es a desligitimar lo govèrn de Mariano Rajoy. Lo director del jornal El Mundo es partisan d’aquela còla.



publicitat
BANER1-2-3: DGPL TRADUCTOR



Comentaris

12 d'agost 00.55h

tè, mi dona una idèa, vau far parier...

Vau dire que pagarai ma multa (pv per estacionament depassat) après mei vacanças, quora lei sòus rentraràn mai e que voirai ben m'ocupar d'afars tant bassas...
La justícia aspèra monsur barcena, la justícia per ieu m'asperarà ben per 11 €, cresètz pas?


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

11 d'agost 22.58h

Vacanças en Val d'Aran ? Per aver causida Occitania, aquel membre del PP s'es mal causida la destinacion. Agèsse passat lo Pont del Rei (d'Aragon, plan segur), se seriá pogut congostar de la politica linguistica de França, que tant conven al sieu partit, amic incondicional de totes los pòbles d'Ibèria…


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

11 d'agost 12.36h

Esperem que l'ostal de luxe, son proprietari es aranés. Se Aran pòt recuperar un pauc de las dardenas raubadas pel PP, òsca! Emai, dins aquestes afars, lo Bàrcenas, acabarà que serà pas lo pus desonèste!


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 20
  • sol Bordèu 20
  • sol Briançon 13
  • sol Caors 19
  • sol Carcassona 19
  • sol Clarmont-Ferrand 14
  • sol Confolent 13
  • sol Gap 12
  • sol La Canau 20
  • sol La Gàrdia 19
  • sol Limòtges 18
  • sol Lo Borg Sant Dalmatz 16
  • sol Lo Puèi de Velai 13
  • sol Marselha 21
  • sol Montpelhièr 21
  • sol Naut Aran 17
  • sol Niça 20
  • sol Nimes 20
  • sol Pau 19
  • sol Peireguers 18
  • sol Rodés 20
  • sol Tolon 18
  • sol Tolosa 20
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Asalaís Moniguet

    Montpelhièr la lengadociana

  • Carcassona. © Frederic Guilbal

    Campanada d'alarma sus la situacion catastrofica ont se tròban la lenga e la cultura occitanas

  • © Laurenç Revèst

    Besièrs, preséncia d'occitan en ciutat e CIRDOC

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Era còlha dera ADÒC ath trabalh

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Laurenç Revèst

    Lo Grau dau Rei (Camarga)

  • © Zep Armentano

    Era Mongetada (Val d'Aran 28-29 d'octobre 2017)

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Exposicion temporària sus Robèrt Lafont al CIRDOC (D.R.)

  • © CD

    Escòla Calandreta dau Mas. Drap (País Niçard)

  • Exposicion temporària sus Robèrt Lafont al CIRDOC (D.R.)

  • Exposicion temporària sus Robèrt Lafont al CIRDOC (D.R.)

  • © Aure Séguier

    Carnaval Biarnés 2017

  • © Franc Bardòu

    Tresaurs andorrans

  • Concèrt del 20n anniversari de Gric de Prat

  • Estivada 2013. © Guillem Sevilla

    Estivada 2013

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)