Dimenge passat s’acabava la Fèria de Millars (Catalonha), e los anticorrida —qu’avián obtengut lo permés per manifestar del tribunal administratiu de Montpelhièr— se trobèron mentre que la comuna de Millars aviá decidit de far un autre decret, aquel meteis dimenge de matin, en enebissent la manifestacion. Lo pretèxt èra que qualqu’un aviá vandalizat l’estatua del “matador” qu’èra al giratòri. Aquò se passèt la nuèch de divendres a dissabte.
 
Pr’amor d’aquò als anticorrida lor calguèt manifestar a l’intrada de la vila, contràriament a çò que disiá la decision judiciària.
 
D’un autre costat, pendent l’abrivada, una espectatritz foguèt batuda per un taure que los organizaires de la Fèria l’avián daissat córrer per carrièras. La femna foguèt ferida quand èra sul trepador, coma se pòt veire dins aqueste vidèo qu’a publicat L’Indépendant.