CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Dimenge, 16 d'agost de 2015, 03h00 Societat,Politica,Internacional,Cultura

Helly Luv, la diva curda del pòp qu’encanha l’Estat Islamic

Coneguda coma “la Shakira de Curdistan”, Helly Luv cèrca amb sa musica d’internacionalizar la lucha de pòble curd


Comentaris 4 comentaris    
Marrit Flac Bon Plan bon Fabulós (9 vòtes)
carregant En cargar


Helly Luv es una cantaira pòp de Curdistan, una de las divas mai aimadas e tanben una de las mai asiradas e recercadas per l’Estat Islamic. La còla de Play Ground Magazine son anats parlar amb ela.
 
Nascuda Helan Abdulla, Helly Luv es originària del Curdistan iraquian, nasquèt en 1988, en plena guèrra Iran-Iraq. Sa maire èra una guerrilhièra peshmèrga que luchèt “per la libertat de Curdistan”. Lo paire e lo pepin tanben. “La miá familha deguèt fugir Saddam Husayn e anar en Turquia. Foguèrem doas setmanas a demandar la caritat e en dormissent per las carrièras turcas. Passèrem 9 meses dins un camp de refugiats, fins que nos acceptèron l’asil politic en Finlàndia”, çò explica.
 
Helly Luv e sa familha foguèron los primièrs curds que visquèron en Finlàndia ont foguèt victima del racisme, çò qu’aluquèt la flama de sa carrièra artistica. “Totes èran blonds e amb d’uèlhs blaus, ieu èri la sola diferenta”. Ailà comencèt de cantar e dançar. “A l’escòla me perseguissián, mas sus scèna òm m’aimava”.
 
Dins sos 18 ans viatgèt a Los Angeles (Estats Units) per far carrièra dins lo mond de la musica e vesitèt totes los ostals de disques que poguèt. E mai s’obteniá pas res e s’èra a mand de se’n tornar en Finlàndia descoratjada, lèu un messatge sus MySpace —un portal per partejar de musica pensat pels artistas— cambièt sa vida. Un productor de disques de Nòva York li daissèt un numèro de telefòn, e ela telefonèt e li cantèt I Have Nothing de Whitney Houston. Lo productor la convidèt a Nòva York e comencèt una carrièra musicala reüssida.
 
 
De videoclips per internacionalizar la lucha del pòble curd
 
Al començament de 2014 faguèt lo videoclip de son tèma Risk It All. Lo vidèo, enregistrat amb de refugiats curds de la guèrra de Siria, mòstra l’artista a dançar d’un biais sèxi sus un leon, amb de desenats de bandièras curdas al vent. Foguèt una reüssida. “Es un vidèo sus la nòstra libertat. Totes los curds avèm lo meteis pantais: l’independéncia de Curdistan”. Aquel videoclip li portèt las primièras menaças de mòrt de la part d’integristas islamics.
 

 
 
Quand l’Estat Islamic ataquèt Curdistan, Helly se remembra qu’“alavetz las gents normalas, las gents que trabalhan en vendent de noiridura, anèron al front per combatre l’Estat Islamic”. “La nòstra resisténcia fàcia a l’Estat Islamic aviá pas pro d’atencion internacionala. Pr’amor d’aquò enregistrèri ma cançon seguenta”.
 
La cançon, entitolada Revolution, s’enregistrèt a Mossol, a dos quilomètres del front de guèrra amb los islamistas. Tres meses demorèron per enregistrar aquel videoclip. “Foguèt fòrça complicat. Començàvem d’enregistrar e cinc menutas puèi plovián de balas de l’Estat Islamic", çò explica. “Los peshmèrgas qu’apareisson dins lo vidèo son de guerrièrs reals que combaton dins la zòna contra l’Estat Islamic. Enregistravan dins lor temps liure”.
 
 

 
 
A l’Estat Islamic li agradèt mens encara aquel videoclip. “Cresi que soi la femna mai recercada, mas ai pas paur, sabiái qu’aquò se passariá. Se ma votz capita a arribar a de milièrs de personas de tot lo Mond e s’aquò met ma vida en risc, es ben. Es per ieu un privilègi, un onor”.



publicitat
BANER1-2-3: DGPL TRADUCTOR



Comentaris

17 d'agost 21.21h

lo jorn que lo pentagon, e Arabia, ajuden pas a l'esta islamic, aquesta cola de barbar tendran los dies comptat e hauran de parar la man e far almoina pels carrers com abans.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

16 d'agost 22.44h

#1 Paradòxa ? Non cal pas oblidar, car Jojo, que los integristas musulmans actuals o passats son tan musulmans coma los inquisitors del sègle XIII èran crestians, en Occitania. Cèrcas de Musulmans ? Finta del costat del sofisme occitan… Ne mancam pas, e aquò's un benastre, per totes, crestians, musulmans, josieus e atèus !


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

16 d'agost 21.05h

Me fa pensar: i es(son) agut(s) una(s) fatoa(s) còntra los extremistas islamics??


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

16 d'agost 20.16h

"Aquel videoclip li portèt las primièras menaças de mòrt de la part d’integristas islamics."
Cal una fatoa còntra los integristas islamics... Se condamnan la vidèo es que l'an agachada e/o escotada. Dins lor vision rigorista extrèma religiosa se deu ni escotar de musica ni agachar de talas vidèos! Paradòxa


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 13
  • sol Aush 12
  • sol Bordèu 14
  • sol Briançon 10
  • sol Caors 13
  • sol Carcassona 14
  • sol Clarmont-Ferrand 10
  • sol Confolent 10
  • sol Gap 9
  • sol La Canau 15
  • sol La Gàrdia 19
  • sol Limòtges 11
  • sol Lo Borg Sant Dalmatz 14
  • sol Lo Puèi de Velai 8
  • sol Marselha 16
  • sol Montpelhièr 16
  • sol Naut Aran 11
  • sol Niça 17
  • sol Nimes 15
  • sol Pau 13
  • sol Peireguers 13
  • sol Rodés 13
  • sol Tolon 15
  • sol Tolosa 13
  • sol Valença 11

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Los Pokémons de la 3a generacion revirats en occitan

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Tresaurs andorrans

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Menton, 'a vivaroalpenca maritima

  • Exposicion temporària sus Robèrt Lafont al CIRDOC (D.R.)

  • Dins la forèst

    Pantais (Poèmas de Lisa Gròs sus pinturas de Christine Nicolas)

  • Asuèlhs comengeses. © Franc Bardòu

    Asuèlhs Comengeses

  • © Celèsta Toion

    La plaja espaci de libertat? D'expression?

  • © CD

    Escòla Calandreta dau Mas. Drap (País Niçard)

  • Lo grand passacarrièra de Rodés. Occitan Pride 2013

  • Asuèlhs comengeses. © Franc Bardòu

    Asuèlhs Comengeses

  • © Zep Armentano

    XI prèmis Gaudí de l'Acadèmia Catalana del Cinèma

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Montpelhièr. © Patrici Baccou

    Campanada d'alarma sus la situacion catastrofica ont se tròban la lenga e la cultura occitanas

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • Estivada 2013. © Guillem Sevilla

    Estivada 2013

  • © Laurenç Revèst

    Fòrt Maginòt de Sant Anhe

  • Hug de la Rosa

    Manifestacion "Er aranés, era nòsta identitat". Vielha 24 de març 2018

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)