Bandièra01 capçalera  1180x150: Novestivada

Actualitats

crotz-tolosaCreated with Sketch.LengadòcAlbigésCordés

Còrdas: un primièr bilanç ensolelhat per aquesta 3a edicion de la Fèsta Occitana

Estagi de danças tradicionalas
Estagi de danças tradicionalas | Karine Allec
Franca reüssida per la Fèsta Occitana de Còrdas! Lo temps, pasmens mornarós tota la debuta de la setmana, faguèt plaça a un solelh bèl per aquelas jornadas dels 15 e 16 d’agost permetent aital a l’associacion CORDAE-la Talvera e sa convidada, la Granja, de transmetre gaiament la cultura occitana.
 
Las festivitats comencèron dissabte al cap de l’aprèsmiègjorn amb un moment musical dins l’enbàs de Còrdas. Puèi, de ser, es lo còr de la ciutat que s’enluminèt als brandons, lo temps d’una passejada contada. De concèrt, Daniel Loddo, del grop la Talvera, e Guilhèm Boucher, de l’associacion la Granja, espauriguèron pichons e grands en contant d’istòrias de drac e autras fachilièras, a las desviadas de carrièras dels noms evocadors coma la Carrièra Escura o la Carrièra Cauda. La serada s’acabèt amb un veire de l’amistat.
 
L’endeman, pas mens d’un milièr de personas landrèron dins las carrièras als costats dels musicians. Estatjants e vesitaires poguèron descobrir o tornar ausir la musica de Carcin portada per l’associacion la Granja. Sus la Plaça de la Brida, pichons e grands se poguèron entraïnar a de jòcs occitans, dont un de quilhas del país carcinòl, e autres jòcs del mond menats per l’ocasion per l’associacion Paroles en Jeux. D’aquel temps, al mercat cobèrt, de nòvas publicacions o de grands classics èran de descobrir al Salon del Libre e del Disc Occitan e Regional. Aquel moment foguèt ritmat en particular per una session de dedicacions al taulièr de la Librariá Blanc.
 
De ser, quicòm coma 400 personas s’amassèron jos lo mercat cobèrt per un balèti menat per los dos grops la Granja e la Talvera.
 
L’exposicion Pèiras de Fadas e Palets de Gigants, mostrada e comentada per l’ocasion, a l’Ostal Fontpeirosa, se pòt veire dusca al 28 d’agost.
 
La Fèsta Occitana de Còrdas foguèt organizada per l’associacion CORDAE-la Talvera amb lo sosten de la comuna de Còrdas e l’ofici de torisme. L’associacion ten a mercejar los comerçants e los artisans qu’adujèron a far d’aquela fèsta una polida reüssida.
 
 
 
 
la Talvera
La Talvera deambula dins las carrièras de Còrdas
La Talvera deambula dins las carrièras de Còrdas | Noémie Rebout
| Lionel Barre

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
1.

Bonas novas son sempre agradivas, se cal bolegar e la gent respond, coma la terra que diuen los pagesos que es agreïda. Hi ha causa pitjor que far pas res e lo pessimisme. Un bon reportatge amb fotos polidas, amb molta musica e balh acò anima a la gent e crida l'atencion dels passetjants, e sustot se hi ha menjar, acò falha jamai, la gent encara que l'interessi pas lo motiu de la festa, se hi ha per exemple: pan amb oli e tomati amb gambajon o formatge, a 2euros o un pauc mai, o per qualsevol classa de menjar la gent omple la plaça.

  • 3
  • 0

Escriu un comentari sus aqueste article