Actualitats
Linha Auloron-Bedós: l’SNCF se vanta de la redobertura d’un projècte que sosten pas
“Dinc ara lo sostien de l’SNCF entà aquera reobertura qu’ei estat nul, zèro! E ara de véser que tiran la glòria d’ua renovacion que non pagan pas que hè drin mau”, çò ditz Dàvid Grosclaude
L’imatge çai jonch, pres fa qualques jorns a la gara de Pau, l’a mandat lo conselhièr regional d’Aquitània, Dàvid Grosclaude, per denonciar una falsa informacion de l’SNCF. Segon l’imatge, se poiriá pensar que la societat estatala dels camins de fèrre seriá per lo restabliment de la circulacion dels trens d’Auloron a Bedós (Bearn), una linha de tren que foguèt barrada en 1980, e que fins a 1970 ans traversava la frontièra d’Aragon.
Aquela linha de tren se tornarà dobrir fins a Bedós l’an que ven gràcias a la pression populara e al sosten de la region Aquitània, que finança sa redobertura al 100%. “Dinc ara lo sostien de l’SNCF entà aquera reobertura qu’ei estat nul, zèro! E ara de véser que tiran la glòria d’ua renovacion que non pagan pas que hè drin mau”, çò ditz lo conselhièr regional, en tot remarcar que l’anóncia concernida mençona quitament pas per un lògo lo finançament de l’operacion pel conselh regional d’Aquitània, es dire, per l’argent dels contribuents.
De fach, la redobertura d’aquela linha es una lucha populara que ven de luènh. “Que hèi partida deus que batalhan dempuish mei de trenta ans entà la reobertura de la linha. La renovacion d’Auloron-Bedós qu’ei lo primèr pas cap au restabliment de la linha enter Pau, Jaca e Òsca”, çò explica Grosclaude.
Aquela linha de tren se tornarà dobrir fins a Bedós l’an que ven gràcias a la pression populara e al sosten de la region Aquitània, que finança sa redobertura al 100%. “Dinc ara lo sostien de l’SNCF entà aquera reobertura qu’ei estat nul, zèro! E ara de véser que tiran la glòria d’ua renovacion que non pagan pas que hè drin mau”, çò ditz lo conselhièr regional, en tot remarcar que l’anóncia concernida mençona quitament pas per un lògo lo finançament de l’operacion pel conselh regional d’Aquitània, es dire, per l’argent dels contribuents.
De fach, la redobertura d’aquela linha es una lucha populara que ven de luènh. “Que hèi partida deus que batalhan dempuish mei de trenta ans entà la reobertura de la linha. La renovacion d’Auloron-Bedós qu’ei lo primèr pas cap au restabliment de la linha enter Pau, Jaca e Òsca”, çò explica Grosclaude.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las comunicacions ferroviarias entre l'esta francès e l'espanyol cresi per lo que hai vist que son tercermundistas. Grosclaude es un gran occitanista e sap perfectament que cal unir las duas parts dels Pirineu. "Aquelas muntanhas que tan altas sunt, m'empatchon de veire mas amors ont son".
La SNCF, com totes: comunicacion, comunicacion. De la meteissa "fashion" que lo que disiá fa 70 ans: messorga, messorga, ne demorarà sempre quicòm.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari