Bandièra01 1180x150: Comuna de Tolosa

Actualitats

Lo Vigan qu’aculhirà de refugiats sirians

Lo conselh municipal o decidiguèt a l’unanimitat e se justifica per “la tradicion d’aculhida de Cevenas per aculhir de personas en dificultat”

| Loreat
La comuna del Vigan (Cevenas) aculhirà e albergarà de refugiats sirians dins de lotjaments municipals. Es una decision que se votèt a l’unanimitat en session del conselh municipal. Ne rapòrta La Setmana.
 
Lo 25 de junh passat, lo primièr cònsol del Vigan, Éric Doulcier, decidiguèt de prepausar al conselh municipal que la comuna de “mobilizar una partida de son pargue immobilièr per aculhir de refugiats sirians”. Aquela proposicion lo cònsol la justifica en invocant “la tradicion d’aculhida de Cevenas per aculhir de personas en dificultat”, segon çò que rapòrta Lengadòc Info.
 
Doulcier remembrava que “las personas aculhidas, dins l’encastre d’aquel programa, benefícian ja de l’estatut de refugiat”, en tot precisar qu’“aquel estatut lor permet d’aver accès dirèctament a l’ensemble dels dreches socials e en particular a la cobertura medicala universala e tanben al revengut de solidaritat activa”. Lo cònsol precisa que los refugiats seràn “titulars d’una carta de resident valabla dètz ans”, per aquò, “los refugiats aculhits en França signan un contracte d’aculhida e d’integracion que lor permet especialament d’accedir lèu a un estagi de formacion lingüistica”. Cal precisar que l’estat francés es lo pren en carga lo lotjament e l’integracion dels refugiats, e la formacion lingüistica se fa pas dins la lenga del país, mas en francés.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
5.

#4 Mercés d'aver entresenhat los legeires.

  • 3
  • 0
Melanie Laupies Montpelhièr-Besièrs
4.

#3 segur...
Mas es tanben un dever de prevenir lo mond quand quicòm es d'extremadrecha. En tot cas, ma deontologia a ieu es de dire "Mèfi, es d'extrema drecha", mai que mai quand lo sit en question, Lengadòc-info, amaga plan sas idèas. Lo problèma es que lo mond qu'auràn clicat sus lo ligam benlèu que trobaràn lor sit polit e interessant e i tornaràn, e de qué i trobaràn? una obsession per l'immigracion, d'entrevistas de mond pas gaire frequentables, etc.

  • 5
  • 0
Gerard Joan Barceló Pèiralata
3.

#1 Jornalet cita sas fonts: es simpletament una question de deontologia jornalistica.

  • 4
  • 0
Francesc Palma de Mallorca
2.

Alç lo got plen de vin pur de nostra terra, se pot ser de Soternas o de Bordeu que m'agradan força, pels manifestants de Bresden e Viena e la comuna de Vigan que aculhirà refugiats, per sa solidaritat amb los paures refugiats que la dreta europea e dels estatsunisians/arabia saudita, los ha destrossat ca seva e son país, e los ha daissats en la misseria.

  • 2
  • 0
Melanie Laupies Montpelhièr-Besièrs
1.

Lengadoc-info es un sit que son cap redactor es de la Ligue du MIdi (bloc identitaire), escriu tb sus Boulevard VOltaire, un site info, francés francés, d'extrema drecha tanben.

Fa partida d'una ret de medias d'extrema drecha ("region"-info.com)

Pas necite de lor far de reclama ni de los citar ni de far collèga-collèga amb eles.

  • 7
  • 0

Escriu un comentari sus aqueste article