Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaBearnPalés

Talhèrs d’escritura e espectacles literaris entà Hestiv’Òc

| Javier Montero

Que’s pòden enqüèra inscríver aus talhèrs d’escritura organizats lo 17 e 18 d’aost, pendent la hestejada Hestiv’Òc.


“Escríver ua novèla” - Los encontres literaris deus 2 penents que’vs perpausan de descobrir las faiçons d’escríver ua novèla en lenga
occitana o francesa. Lo talhèr que s’inspirarà de duas novèlas de nautat déjà publicadas, en vistas de compréner l’especificitat e la
construccion d’aqueth recit brac e de s’i apracticar si medish. Atencion, l’exercici perpausat ne serà pas un tribalh de cap a la lenga, ni a
l’estilistica tanpòc. Inscripcion abans lo 10 d’aost, per e-mail o au telefon +33 (0)5 59 13 06 40.
 
Ça-vietz tanben escotar la lectura de “Sorrom Borrom” de Sèrgi Javaloyès qui serà balhada per Isabèu Lobèra lo 17 d’aost a 11h30 e a 18h30 a la capèra deu castèth de Pau.

Lo dissabte 18 d’aost, a 15h, au teatre St Louis, “Viatge en poesia occitana”. Ua viatge dens la poesia occitana, capvath lo temps e l’espaci, dinc a las arribas de l’Ador e deu Gave. Un viatge dab musica sus aires de guitarra e de charango. Florilègi de poesias seleccionadas, en occitan e en francés.

Tà mei d’indicas: 2penents.com.




InÒc

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article