Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranArties e Garòs

Arties: liberaràn Mimo e Aran, los dos orses que vivián dins una gàbia

Après tres ans de negociacions, una associacion animalista a capitat que sián menats dins un centre de salvament e puèi seràn liberats dins un centre de fauna salvatja

| FAADA
Mimo e Aran,  los dos orses que vivon embarrats dins una gàbia davant lo burèu de torisme d’Arties (Val d’Aran), seràn menats al centre de salvament Natuurhulpcentrum, en Flandra, per èsser puèi meses en libertat dins un centre de fauna salvatja. O rapòrta la fondacion animalista FAADA, que lucha dempuèi longtemps per la liberacion d’aqueles dos animals.
 
“A calgut tres ans”, çò disiá Laura Riera, assessora per la fauna salvatja de FAADA. Segon aquela fondacion, las negociacions comencèron en 2012 e son estadas complicadas a causa del blocatge sistematic de las administracions. “La comuna d’Arties considerava que los orses èran un reclam pel torisme e la Generalitat e lo Conselh General d’Aran se mostravan pas tanpauc dispausats a collaborar”. Mas après que la municipalitat d’Arties cambièsse son opinion, la Generalitat de Catalonha, proprietària dels orses, acceptèt lo salvament de las doas bèstias. Un autre ors que viviá dins aquela gàbia moriguèt fa qualques ans.
 
Segon FAADA “Mimo e Aran vivon dins d’installacions que complisson pas la lei dels zòos”. “L’estat fisic e psicologic de Mimo e d’Aran es de mai en mai pièger. L’edat avançada de Mimo e de signes evidents de deteriorament psicologic en Aran fan urgent lor transferiment al centre de salvament”, çò apond la federacion animalista.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
3.

Seràn liures, òc, mas en exili… Coma Pau Casal, non ?

  • 0
  • 0
lo canonge de misericordia
2.

una novèla de las bonas vau ren dire, aqueu biais de parlar provençau que s'espandisse a la velocitat supersonica significa quauquaren quora li a un auitre tèrme a l'alternativa : ex au banc dau marchand d'ortolalha, li a doas sortas de figas o de prunas, dei bonas e dei pas tan bonas, dei gròssas o dei pichòtas e aqui si, que pòs dire vòli de figas dei bònas o vodriáu de prunas dei pichòtas, es doncas d'un emplec fòrça limitat

  • 1
  • 7
Melanie Laupies Montpelhièr-Besièrs
1.

Aquí una novèla de las bonas !!!
Passèri per Arties en agost, m'arrestèri per veire la glèisa, passèri davant aquela gàbia e ne trobèri pas la sòm puèi la nuèch de tant que i pensavi a sas condicions de vida òrras. FAguèri una reclamacion a la Comuna de Salardú e a l'Ofici de torisme de Vièlha (aprèp èsser passada per l'ofici de torisme de salardú e lo conselh generau d'aran...) : la gàbia es pichona, vuèja (i a pas d'installacions per los orses a despart d'un cabanon) e èra plena d'estrons, se vesiá plan que la netejavan pas dempuèi un brieu... los orses devián caminar entre sos estrons... e un dels dos orses quitava pas d'anar-venir long de la gàbia, signe de pb . Ne foguèri malauta ! Cap responsa a mas letras de reclamacion mas de veire que los orses partiràn d'aquel infèrn me regaudís. Ara que la decision es presa, espèri que l'aplicaràn lèu-lèu.

  • 6
  • 0

Escriu un comentari sus aqueste article