CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Dijòus, 20 de junh

Actualitats

Dissabte, 12 de setembre de 2015, 03h00 Societat,Politica,Internacional

Barcelona: dos milions de personas per l’independéncia de Catalonha e Aran

“Una autentica revolucion democratica” segon l’Assemblada Nacionala Catalana que cridèt a la manifestacion


Comentaris 7 comentaris    
Marrit Flac Bon Plan bon Fabulós (10 vòtes)
carregant En cargar


Dos milions de personas (1 400 000 segon la polícia) manifestèron a Barcelona per l’independéncia de Catalonha e Aran, en ocasion del jorn nacional catalan e en regardant l’eleccion del 27 de setembre que ven, una eleccion autonomica que serà un plebiscit sus l’independéncia.
 
L’eveniment, nomenat “Via Liura a la Republica Catalana” e organizat per l’Assemblada Nacionala Catalana (ANC), empliguèt de colors revendicativas l’avenguda de la Meridiana de la capitala catalana. A 17h14, en evocant l’an que Catalonha perdèt sas libertats, una flècha giganta de color jauna correguèt tota l’avenguda sus un percors de 5,2 quilomètres, menada qu’èra per un cinquantenat d’esportius catalans d’elèit. Mentre qu’avançava, los manifestants levavan de flèchas de carton de colors desparièras, segon la seccion ont se trobavan. Cada color respresentava un dels aisses de la futura Republica Catalana: lo jaune per la democracia, lo blau per l’equilibri territorial, lo roge per la solidaritat, lo blau clar per las personas, lo verd encre per la diversitat, lo verd clar per la solidaritat, lo lillà per l’egalitat, lo marron per la justícia sociala, lo ròse per l’innovacion e l’irange per la cultura e l’educacion. Quand la flècha giganta arribèt al Parlament de Catalonha, los manifestants levèron tornarmai lors cartons en fasent una èrsa giganta de colors, de mai de cinc quilomètres. L’eveniment èra sincronizat per ràdio e per de nautparladors.

“Avèm vist un pòble abraçar la libertat, un pòble que vòl èsser liure e que vòl èsser normal. Çò estranh es que nos calga mal viure dins un estat estranh. La nòstra responsa contra la paur e la menaça es mai de democracia”, çò diguèt a la fin lo president d’Òmnium Cultural, Quim Reixa, que precisèt que “la libertat es pas negociabla. Volèm votar e volèm votar l’independéncia. Ara es ora. Cal córrer coma lo vent e cal véncer çò impossible”. De son costat, lo president de l’ANC, Jordi Sánchez, revendiquèt “un estat que siá al nòstre costat. Volèm pas far partida d’un estat que nos representa pas pus”. Sánchez definiguèt l’accion coma una “autentica revolucion democratica”.

Lo govèrn espanhòl critiquèt l’eveniment abans que comencèsse. A 13h, dins una conferéncia de premsa, la vicepresidenta del govèrn espanhòl, Soraya Sáenz de Santamaría, diguèt que se tractava simplament d’un acte electoral. Pus tard, ela meteissa diguèt sus Twitter, a prepaus de l’eveniment, qu’“una democracia es pas solament anar a las urnas, mas la garentida del compliment de la lei e lo respècte dels dreches a travèrs dels tribunals”.

ANC 11s2015 - Enviament 19h from Assemblea Nacional Catalana on Vimeo.



publicitat
BANER1-2-3: DGPL TRADUCTOR



Comentaris

15 de setembre 18.47h

#6 Dins la màger part dels cases, los medias franceses se son limitats a repréner la despacha AFP, sens anar mai luenh. Es Libé, amb un Musseau que los ans passats parlava de tot aquo de Madrid estant e qu'aqueste cop es estat mandat especiau a Barcelona, amb un ton mai nuançat que los autres ans. Per contra, la tonalitat generala dels comentaris dels internautas, oi oi oi.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

14 de setembre 16.21h

#2

'Quò se'n parlet un pauc sus la tiala francofòna, aquí per eisemple :

http://fr.euronews.com/special-coverage/defi-independance-catalogne

o d'enquera 'quí :

http://www.france24.com/fr/20150911-espagne-manifestation-independantistes-catalans-barcelone-artur-mas-regionales

JP


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

12 de setembre 23.33h

#1 Escrivètz : "La caracteristica d'aquelei pais : sortián totis de dictaturas comunistas…". Son sortits d'una dictatura que foguèt pas jamai comunista per dintrar dins una autra, qu'es la del "liberalisme". Lo liberalisme assegura la libertat dels mai rics, al mejan de las sotmission mai servila possible de totes los autres per servir los interèsses privats dels primièrs !


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

12 de setembre 23.29h

#3 Question pertinenta, ciutadan Valadièr : rasons democraticas ? Pas cap ! Rasons colonialistas. Totas !


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

12 de setembre 17.58h

Òsca al trabalh del monde associatiu catalanista, en particular lo trabalh de mai de 40 ans de l'Omnium Cultural per recampar las fòrças culturalas catalanas. Se 2 milhons de catalans èran dins las carrièras es que lo movement catalan mostrèt sa capacitat de faire. Es tanben la capacitat de bastir d'organizacions politicas e sindicalas que se disan catalans. Es la dralha que devem seguir.
Mas uèi, nos cal pausar en França la question de la democracia ettritoriala. Se un territòri coma... Legir mai


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

12 de setembre 16.26h

Interessant de veire que suus sits dels jornaus franceses (Le monde et Liberation, le FIgaro l'i sio pas anat veire) los sols a s'exprimar son los adversaris dels catalans...


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

12 de setembre 04.09h

l'esfondrament de l'emperi sovietic e de la Iogoslavia faguèt reneisser leis estats baltes, separèt la Checoslovaquia en dos, faguèt dispareisser la DDR e foguèt a l'origina de la neissènça de sièis estat novèus Moldavia, Eslovenia, Croacia, Macedonia, Bosnia e Kosovò,lei dos darriers après doas guerras de religion onte leis Estats-Units mejançant l'OTAN impausèron sa lei. laissèm de caire Ucraïna , Bielorussia,Georgia, Armenia,Azerbadjian qu'èron de republicas sovieticas dcemp... Legir mai


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Orador de Glana: la cruseltat alemanda e l’injustícia francesa

Diluns passat, 10 de junh, se commemorava lo 75n anniversari del chaple d’Orador de Glana, un dels mai crusèls de la Segonda Guèrra Mondiala. Un revenge sagnós dels nazis que ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

lateral 2 teveoc

Fotografias

  • Gavotina maritima - Pelha. © Laurenç Revest

    Gavotina Maritima: Pelha (Comtat de Niça) © Laurenç Revèst

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Valadas. © Xavi Gutiérrez Riu

    Valadas

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Margaria Pepin

    Adobament dal Grand Prèmi de Mónegue de 2014

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Lengue a Mentan

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Besièrs. © Melanie Laupies

    Besièrs

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

giny

Las mai...

publicitat

LATERAL1 300X250: radio pais

giny

Sondatge

Per tu, Lemosin se tròba...


73%



6%



5%



11%



6%




Vots 102 vòtes

comentaris 4

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)