Bandièra01 1180x150: Comuna de Tolosa

Actualitats

Reialme Unit: virament a l’esquèrra del partit laborista

Lo congrès del partit a elegit Jeremy Corbyn coma dirigent de la formacion

Jeremy Corbyn es favorable a la renacionalizacion de cinc servicis publics, opausat a las armas nuclearas, opausat a l’invasion d’Iraq e critic amb la direccion qu’aviá pres lo partit
Jeremy Corbyn es favorable a la renacionalizacion de cinc servicis publics, opausat a las armas nuclearas, opausat a l’invasion d’Iraq e critic amb la direccion qu’aviá pres lo partit | Garry Knight
Jeremy Corbyn es lo nòu dirigent del Partit Laborista britanic: es estat elegit aquesta dimenjada per un 59,5% dels vòtes dins lo primièr torn de las eleccions primàrias, en s’impausant a Andy Burnham, Yvette Cooper e Liz Kendall, tres candidats de l’aparelh del partit. Aital, après la demission d’Ed Miliband pels marrits resultats de las darrièras eleccions, los militants an elegit Corbyn, de seissanta sièis ans, coma representant del sector mai esquerrista e favorable a la renacionalizacion de cinc servicis publics, opausat a las armas nuclearas, opausat a l’invasion d’Iraq e critic amb la direccion qu’aviá pres lo partit dins las darrièras annadas.
 
“Las causas pòdon cambiar, e cambiaràn”, çò diguèt Corbyn dins lo congrès que l’a elegit nòu dirigent laborista.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
3.

Se cal bolegar e que l'esquerra siá majoritària a la UE, pauc a pauc per faire un mond milhor del que fa la dreta e extrema dreta: fam, guerras, las companhias electicas talhan la lum sense mirar ben se han pagat, los bancs rauben a mans plenas al mateissos estats,....Cresi que l'esquerra ho faria milhor, oi ?

  • 1
  • 0
lo canonge de misericordia
2.

1° lo virament pòt èstrte postau o bancari, senon lo viratge 2° retorn vèrs lo passat, nacionalizacion dei servici publics, desarmament unilaterau, un peçuc d'ecologisme, aquèu Jeremy Cobunr, pesolh revengut dau marxisme lo pus ranci, es un bobò english caricaturau e dau costat dei conservators, se freton lei mans, amb un aversari coma aqueu pelandron, auran pas besonh d'amics per ganhar leis eleccions. soncament de jeremiadas per lei membres dau labor moderat que quiton lo batèu e vòlon manca pas participar au govèrn socialista fantasma

  • 0
  • 3
Ernèst Guevara Jr. L'Avana
1.

“Las causas pòdon cambiar, e cambiaràn”, çò diguèt Corbyn dins lo congrès que l’a elegit nòu dirigent laborista. Mas, ciutadan Caryn, cossí faretz per cambiar los tractats europeus, que lo mariòl Juncker ne nos a dit que "cap causida democratica quina que siá non los podiá cambiar ? i cal anar a l'unanimitat dels 27 per los cambiar. 27 estats d'Euròpa realament esquerristas al meteis moment. O vòli plan veir, mas ne dobti fòrça ! Vos cal trabalhar tre ara a la renacionaliszacion d'una banca d'estat per capitar de botar en plaça una politica "autra" que quite enfin d'annar ultra-dreitista. Oblidètz pas que l'ostal Euròpa es una gàbia de fèrre per las nòstras vièlhas democracias endormidas, e que vivèm adara jos la dictatura d'unas bancas privadas. Grècia o ven de desmostrar fòrt plan. PEr demorar a esquèrra, vos va caler quitar Euròpa, lèu lèu. Per defendre los pòbles, Catalans, Basques, Occitans… Euròpa non lèva pas lo det menèl. Mas per vos cridar garra tre que viratz a esquèrra, podètz comptar sus ela !

  • 6
  • 1

Escriu un comentari sus aqueste article