Bandièra01 1180x150: Comuna de Tolosa

Actualitats

Eleccions en Catalonha e Aran: “los occitans, nos i jogam fòrça”, segon Patrici Pojada

Lo resultat de las eleccions de dimenge que ven en Aran e Catalonha representan un enjòc màger per Occitània

Lo jornal catalan Vilaweb publiquèt ièr un article de Patrici Pojada, l’istorian occitan, qu’explica l’importància per Occitània de las eleccions de dimenge que ven en Catalonha e Aran. Aquela importància es manifestada, en mai d’aquò, pels articles d’opinion que publicam uèi dins Jornalet de Joan-Pèire Alari en nom del Partit de la Nacion Occitana e de Gerard-Joan Barceló en nom d’Iniciativa per Occitània.
 
Dins son article, Pojada explica los ligams que jonhon Catalonha e Occitània e analisa lo besonh de las relacions futuras. Demanda que lo nòu estat independent desmembre pas, ni la rèsta dels Païses Catalans, “la rèsta dels Païses Occitans”. “Catalonha aurà la responsabilitat istorica e morala de non pas desbrembar las sieus rasics culturalas! E aquestas son en Occitània”, çò precisa Pojada.
 
La conclusion de l’article es categorica. “Los occitans nos i jogam fòrça. Mai que fòrça. Benlèu que nos i jogam tot! Non ne sèm pas pro conscients? Benlèu que somiam, qualques unes? Òc, segur! Somiam, es lo nòstre sòmi de uèi que volèm coma possibilitat per deman, aqueste deman que voldriam luminós e possible. I aspiram amb vosautres. Nosautres tanben sèm pressats. La vòstra victòria cal que siá tanben la nòstra”.
 
Patrici Pojada es un cercaire, istorian e lingüista, originari del País de Fois. Es actualament professor d’istòria modèrna a l’Universitat de Perpinhan, membre del conselh lingüistic del Congrès Permanent de la Lenga Occitana (CPLO), de l’Institut d’Estudis Araneses-Acadèmia Aranesa de la Lenga Occitana (IEA) e foguèt tanben president del Grop de Lingüistica Occitana (GLO). Es tanben collaborador de Jornalet amb una nòva tribuna dins la seccion d’opinion, ont a començat de publicar una cronica mesadièra sus l’istòria d’Occitània.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC:)
4.

Ens hi juguem molt, si Catalunya s'allivera, La Val d'Aran, pot ésser el segon País Occità independent desprès de Mónaco: No seria fantàstic, i potser en un futur una Catalunya i Ocitània unides en un sol País,tal com volia Pere I i Ramon de Tolosa, seria el millor.
Bé mentrestant cap a l'objectiu que és alliverar el Paìs.
Així que: Visca la Terra Lliure i Despertaferro!
"El Tàrrega".

  • 0
  • 0
Pèire Cardenal Lo Puèg de Velai
3.

#2 « E l'amic de Dèu, on que sia, conois que dessenat son tut, car lo sen de Dèu an perdut. Et ilh en lui per dessenat, car lo sen del mon a laissat. »

  • 2
  • 0
Ernèst Guevara Jr. L'Avana
2.

A mon punt de vista, los occitanistas, non somiam. Sèm lucids. Sabèm çò que sèm. Assumissèm. Son los Occitans que se prenon per de Franceses que sómian. Una mala cachavièlha que dura dempèi uèit sègles… Un pòble normal, dins de condicions normalas de consciéncia de se, non pòt pas voler res mens que la sieuna independéncia. L'alienacion d'un pòble a un autre es una inepcia, un necitge non sofrible per la rason.

  • 4
  • 0
lo canonge de misericordia
1.

podèm qu'aprovar Patrici Pojada dins ço qu'escriu : nautres dependèm dei catalans qu'azn ben rason de vouguer son independència per preservar sa lenga e sa cultura e son identitat e en estènt nòstra cultura e nòsta lenga sòrres e bessonas, tanbèn ne sobrarà coma un recaliu qu'un jorn podrà benlèu s'embrasar

  • 9
  • 0

Escriu un comentari sus aqueste article