Bandièra01 1180x150: Comuna de Tolosa

Actualitats

L’UE conven de compartir 120 000 refugiats amb lo vòte contrari de quatre païses de l’èst

Chequia, Ongria, Eslovaquia e Romania s'opausan al sistèma de quòtas

Los ministres de l’interior de l’Union Europèa son finalament convenguts uèi de compartir 120 000 refugiats entre los divèrses estats, encara que la mesura a mes endavant una fòrta division. Quatre païses de l’èst, Chequia, Ongria, Eslovaquia e Romania, an votat contra lo sistèma de quòtas prepausat per la Comission Europèa, e que tanben a l’aprobacion del Parlament Europèu. D’aqueles 120 000 refugiats, aperaquí 54 000 son de refugiats arribats o a mand d’arribar en Itàlia e Grècia. La chifra s’apondrà als 40 000 que los estats de l’UE ja acceptèron de los se compartir pendent lor darrièra reünion, situant lo total de refugiats aculhits a 160 000 dins las doas annadas venentas.

Los 28, amb l’oposicion de Chequia, Ongria, Eslovaquia e Romania e l’abstencion de Finlàndia, an aprovat que se compartisca 15 600 refugiats arribats en Itàlia, 50 400 arribats en Grècia e 54 000 en Ongria.

L’acòrdi, obtengut per majoritat qualificada e non pas per unanimitat coma es de costuma, prevei qu’Espanha aculhisca en un primièr temps 6127 refugiats arribats en Grècia, e 1896 d’arribats en Itàlia. Dels arribats en Ongria, l’estat espanhòl n’aculhirà un pauc mens de 7000.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lo canonge de misericordia
1.

se lo continent congenitalament transit de repenténcia o de pentimenta a votat que se devon repartir lei refugiats, es evident que l'an que ven se lei repartiràn mai, parier l'an d'après, e totis leis ans que seguiràn e Euròpa tombarà en frum Soleta una riposta militar per remandar lei migrants d'onte venon e metre la man au borson per finançar lei camps de refugiats.L Onte trobar lei picalhons ? en licenciant sensa indemnitat 20 a 30 000 fonccionarisq europencs que servon de ren, senon a desforestar l'Escandinavia amb lei rapòrts inutils que fabrican tot de long de l'annada

  • 0
  • 3

Escriu un comentari sus aqueste article