Bandièra01 1180x150: Comuna de Tolosa

Actualitats

Siria: Russia a lançat los primièrs atacs aerians contra l’Estat Islamic

Lo senat rus aprovèt ièr de matin l’emplec de las fòrças armadas per combatre l’Estat Islamic

Lo senat rus autorizèt ièr de matin l’intervencion de las fòrças aerianas de son armada en Siria per ajudar a combatre las milícias de l’Estat Islamic (EI). Es aital que la cambra nauta respondèt a la demanda facha pel president rus Vladimir Putin.
 
Lo president de Siria Bashshar Al Asad aviá demandat ajuda al sieu omològ rus per aver lo sosten militar de Russia e per poder combatre l’armada de l’EI. L’ajuda de Putin se limitarà, per ara, a las fòrças aerianas e i aurà pas de tropas armadas sul terren.
 
Lo cap de l’administracion presidenciala del Cremlin, Sergei Ivanov, a pas explicat qual tipe d’armament se va emplegar.
 
 
L’armada francesa bombarda dempuèi la setmana passada
 
La setmana passada d’avions de l’armada francesa comencèron de bombardar de posicions de l’EI en Siria. Segon un comunicat de l’Elisi, França a bombardat en Siria “sus la basa de las informacions reculhidas dins lo corrent de las operacions aerianas dempuèi mai de doas setmanas” e “en coordinacion amb los sòcis de la coalicion” internacionala.
 
Lo primièr ministre francés, Manuel Valls, diguèt que los bombardaments en Siria an per tòca “los santuaris de l’Estat Islamic ont se formèron los qu’atacan França”, en tot considerar que son país agís “en legitima defensa”. 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
2.

Los melhors pilots russos donaran passadas sus l'estat islamic, qu'han creat e financiat la cia, lo pentagon,e l'arabia saudita e tota la colha d'emirats arabs. L'aviacion russa pot acabar amb tota aquesta comèdia en pocs minuts. Bona feina.

  • 0
  • 2
Pirolet
1.

Lo Potin, li cal crompar de lunetas: sembla que s'engana de cibla.

  • 1
  • 3

Escriu un comentari sus aqueste article