Bandièra01 1180x150: Comuna de Tolosa

Actualitats

Ara la bandièra palestiniana es al sèti de l’ÒNU

Mahmud Abbas se desengatja dels acòrdis de patz d’Òslo

Dimècres passat s’issèt per lo primièr còp lo drapèl palestinian a la sedença de l’ÒNU a Nòva York. “Es un jorn de fiertat pels palestinians”, çò diguèt lo president de l’Autoritat Nacionala Palestiniana, Mahmud Abbas, durant la ceremònia.
 
Fins ara solament i podiá aver las bandièras dels 193 païses representats dins l’ÒNU, mas lo 10 de setembre passat, l’Assemblada Generala de l’ÒNU ne cambièt la nòrma. Palestina es un observaire permanent de l’Organizacion de las Nacions Unidas.
 
 
Se desengatja dels acòrdis de patz d’Òslo
 
Dins son discors, Abbas anoncièt a l’Assemblada Generala de las Nacions Unidas que son govèrn respectariá pas pus los acòrdis de patz d’Òslo, que regisson sas relacions amb Israèl dempuèi 1993. “Declaram que podèm pas restar engatjats legalament per aqueles acòrdis signats e qu’Israèl deu assumir totas sas responsabilitats coma un poder ocupant, pr’amor que l’statu quo pòt pas contunhar”, çò diguèt.
 
Los acòrdis d’Oslo foguèron negociats entre l’Organizacion per la Liberacion de Palestina (ÒLP) e pel govèrn d’Israèl, e permetèron la creacion de l’Autoritat Nacionala Palestiniana qu’administra una partida dels territòris de la Lista de Gaza e de Cisjordania.
 
“Tant qu’Israèl voldrà pas arrestar las activitats de las colònias ni liberar lo quatren grop de presonièrs palestinians, coma o dictan los acòrdis, nos daissan pas mai d’opcion que d’insistir que serem pas engatjats sols dins l’implementacion d’aqueles acòrdis, mentre qu’Israèl los viòla de contunh”, çò diguèt.
 
 
Reaccion israeliana
 
De son costat, lo primièr ministre israelan, Benjamin Netanyahu, acusèt Abbas de “difamaire”. “Cridam l’Autoritat [Palestiniana] e son cap d’agir amb responsabilitat e d’acceptar l’ofèrta del primièr ministre d’Israèl de manténer las negociacions dirèctas sens condicions prèvias”, çò ditz un comunicat que Netanyahu lo presentèt qualques minutas après lo discors del cap palestinian.




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

El govern d'Israel no té raó, els acords d'Oslo els han oblidat ja que posava una data per l'independència de Palestina, tohomho ha oblidat.
I ara en Netanyahu no para de buscar escuses per fustigar als Palestins,hi ha amas ja li va bé.
L'ideal seria que fessin les Paus i ques'unissin enun sol País on hi hauria llibertat per tothom.
Això sèria l'Ideal, però amb l'actual president i amb amas aixó és impolsible.
Mentrestant Visca Palestina Lliure o la Terra!
Dessitjant el millor per a ells:
L'Ernest, "El Tàrrega".

  • 0
  • 0
JF Blanc
2.

S'alcèt lo meteis jorn que la bandièra del Vatican, autre estat observador. Tot es relatiu...

  • 0
  • 0
"Tàrrega" Igualada (PP.CC.)
1.

Ja tocava, però cal trovar solucions.
"Tàrrega".

  • 0
  • 0

Escriu un comentari sus aqueste article