Bandièra01 1180x150: Comuna de Tolosa

Actualitats

Tempèri sus la Còsta d’Azur: setze mòrts e 35 000 domicilis sens electricitat

Los secorses an agut, e encara an, lo pus grand mal per accedir a las zònas sinistradas

Lo jornalista Guilhèm Ricavy, enviat especial de <em>La Provence</em>, es anat sus plaça
Lo jornalista Guilhèm Ricavy, enviat especial de La Provence, es anat sus plaça | Guilhem RICAVY
Una tempèsta coma s’èra jamai vista causèt, la nuèch de dissabte a dimenge, setze mòrts e de violentas inondacions en Vencenc e a la Costièra Niçarda. Las zònas mai afectadas son Niça, Canas e Antíbol, ont de centenats de personas foguèron evacuadas e aperaquí 35 000 ostals son demorats sens electricitat.
 
Los secorses an agut, e encara an, lo pus grand mal per accedir a las zònas sinistradas, e per tant lo bilanç uman encara pòt pas èsser definitiu.
 
Lo tempèri provoquèt tanben la paralisi dels camins de fèrre e de las estradas.
 
En 2010 un auratge similar provoquèt 25 mòrts, toquèt mai de 30 000 personas e las pèrdas materialas foguèron de mai d’un miliard d’èuros.
 
Lo jornal Nice Matin a fach un seguiment en dirècte de la catastròfa. Lo jornalista Guilhèm Ricavy, enviat especial de La Provence, es anat sus plaça. Tanben la situacion se pòt seguir sus Twitter amb las etiquetas #drameinondations e #inondations06
 
 

 
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Matieu Castel Marselha
1.

Consequéncia evidenta de l'urbanizacion monstruosa d'aquesta part dau país... Meme remarca per Erau ò Var, qu'an tanben seis aigats quasi un còp l'an ara...

L'eliotropisme es mortau ! CQFD.

  • 4
  • 0

Escriu un comentari sus aqueste article