Bandièra01 1180x150: Comuna de Tolosa

Actualitats

L’armada russa a tornat envasir l’espaci aerian turc

D’autres païses tanplan an mandat lors tropas per luchar contra l’Estat Islamic

| Vitaly V. Kuzmin
Tres jorns après l’invasion de l’espaci turc de part d’avions militars russes, lo govèrn turc a demandat tornarmai d’explicacions a l’ambaissador rus en aquel país. S’es facha una nòva protèsta diplomatica pr’amor que los turcs dison que los russes an tornat violar en mens de tres jorns lor espaci aerian. Aital o confirmèt lo Ministeri dels Afars Exteriors turc.
 
L’incident es desparièr de l’anterior, segon los turcs, pr’amor qu’ara los russes solament intrèron dins l’espaci aerian turc e pro. Dins l’autra escasença, los russes arribèron al ponch qu’un Mig-29 rus, qu’èra intrat dins l’espaci aerian turc, arribèt de contrarotlar amb lo sieu radar un avion turc. En aquela escasença lo govèrn rus confirmèt que “lo 3 d’octòbre e après finir las sieunas operacions de combat, un Su-30 intrèt qualques minutas dins l’espaci aerian turc mas o faguèt —çò dison los militars russes— per tornar a la sieuna basa de Hmeymim”.
 
 
Creis de la tension
 
Totun, e mai se los russes confessèron qu’aquel fach s’es realament passat, an totjorn negat qu’un Mig-29 perseguèsse divèrses avions militars turcs, coma dison en cò de l’OTAN. L’Organizacion atlantica crei pas la version russa e a demandat a aquel país qu’“aquelas violacions de l’espaci aerian d’un estat membre de l’OTAN se tornen pas passar”. En mai d’aquò, an demandat tanben a Russia d’arrestar los atacs contra l’oposicion siriana e de daissar de tuar de civils dins aquel país.
 
Aquesta setmana la tension militara a crescut en Siria e dins la region tota pr’amor que non solament i a agut de problèmas entre Russia e Turquia, mas pr’amor que i a agut mai de païses qu’an mandat lors tropas luchar contra los terroristas islamistas de l’Estat Islamic (EI). La menaça lançada dins lo Parlament Europèu per François Hollande, de demandar un atac comun de totes los païses europèus contra l’EI, s’om vòl pas qu’Euròpa tota intre dins una guèrra totala, es estada estonanta per son alarmisme.
 
Atanben, la participacion ara ja reconeguda d’avions chineses primièr —al començament de la setmana— e d’italians puèi —aqueste dijòus 8 d’octòbre— an aumentat la tension dins la region a de nivèls encara pas jamai vistes. Lo fach que los chineses sián pas jamai intervenguts en defòra de lor país après la Guèrra Mondiala e que bombarden ara los islamistas e d’autres de l’oposicion antiislamista, aquò fa preveire mai de problèmas en aquesta guèrra a partir d’ara e fins a la fin de l’an.
 
 
 
 
Christian Andreu

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
3.

dos comandaments destrusits de l'ei, camp d'entrenament bombardejat, deposits d'armas, municions, e combustible fet miques, fabrica de míssils escrancada, una fabrica de cotxes bomba pels aires, 300 iihaidistes tuats, caravana de tancs destrossats. aeroport inutilizat,.... Va plan.

  • 0
  • 0
"Tàrrega" Igualada (PP.CC.)
2.

Com smepre tot és mou per interesos, cadescú vol un part, i Rusia no és menys, bassad és un criminal
un assessí, i els que vàren començar la guerra d'Iraq, tampoc és queden curts.
I els que lluiten per la veritat i la Pau, els ajuda ven poca gent, perquè no fan la cualició que és feu a Afganistan per derrocar a L'Estat Islamic i el governde bassad.
Cadescú, bé... crec que és evident.
"El Tàrrega".

  • 0
  • 2
Lachaud
1.

Aimaria bian saber qui se bat contre qui dins aquel pais. A saber si quò es una guerra per la supremacia mondiala entre d'un costat los americans e sos aliats e de l'autre una coalicion russe-chines!
Ente son los interests daus pais arabes?

  • 6
  • 3

Escriu un comentari sus aqueste article