Bandièra01 1180x150: Comuna de Tolosa

Actualitats

L’OTAN denóncia Russia per crear mai de problèmas en Siria

| Alan Wilson
L’OTAN a condemnat l’intervencion russa en Siria e a confirmat que farà mai fòrtas las sieunas defensas, de la Mar Baltica fins a Turquia. Aital, dins una reünion dins lo Quartièr General de l’OTAN, a Brussèlas, los ministres de la defensa d’aquela organizacion militara denoncièron “l’utilizacion de las armas mai modèrnas en Siria de part de Russia e una escalada de la problematica en aquel país que s’apren als russes”.
 
Mentretant, l’armada russa a contunhat los sieus atacs contra los rebèls sirians. Los vaissèls russes lancèron quatre fusadas contra l’Estat Islamic dempuèi la Mar Caspiana, a mai de 1000 quilomètres dels luòcs atacats. Aquò es estat considerat coma una mòstra de fòrça de Russia envèrs los aliats de l’OTAN. E mai, d’avions russes contunhèron d’atacar de rebèls sirians qu’avián l’ajuda de divèrses mercenaris occidentals.
 
“Russia contunha dins una posicion isolada”, çò diguèt lo secretari de la defensa estatsunidenc, “e solament lo Cremlin pòt cambiar aquò. Demoram que los russes vejan que son dins un vaissèl que s’enfonza e qu’aquò es una estrategia de perdeire. Es ara que Russia pòt cambiar lo fuèlh de rota e far las causas ben fachas”, çò contunhèt, “mas sabi pas s’o faràn”.
 
Mentre que los atacs contunhavan, l’OTAN confirmèt a Turquia, lo sieu sòci militar, que fariá tot çò que cal per l’ajudar contra los atacs provenent del territòri sirian, siá d’islamistas, de terroristas o de russes. “L’OTAN es preparada per defendre sos aliats, coma Turquia”, çò diguèt Stoltenberg, secretari general de l’organizacion, “e, e mai se Turquia a pas demandat encara d’ajuda oficialament, i a de dialògs constants entre l’OTAN e Ankara sus la preséncia militara russa près de sas frontièras”.
 
 
Plans de defensa atlantics
 
Los turcs ja demandèron fa qualques meses l’installacion de tres batariás sus tèrra turca —manejadas per d’alemanhs e d’estatsunidencs— contra las fusadas que poirián arribar del terriòri sirian. Mas son pas gaire utilas contra los atacs dels avions russes. Per tant seràn retiradas lèu e solament i demorarà una sola unitat militara espanhòla. Mas l’intencion es d’i mandar mai de tropas atalanticas. En mai d’aquò, L’OTAN vòl bastir un quartièr regional en Ongria e Eslovaquia e crear una fòrça de reaccion rapida de mai de 40 000 soldats.
 
Aqueles plans se son accelerats après la conquista russa de Crimèa e fan partida del sosten militar al govèrn ucraïnés còntra los rebèls d’aquel país qu’an l’ajuda oficiala de Russia. “L’OTAN a de respondre se vesèm una Russia que fa de causas que deu pas far”, çò apondèt Stoltenberg.
 
 
 

Christian Andreu

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
4.

L’OTAN denóncia Russia per crear mai de problèmas en Siria. Es ara de mai en mai urgent de declarar una guèrra mondiala entre OTAN e païses emergents. Aquò o fotrà tot pel sòl, puèi atal, quora o caldrà tornar bastir tot, amb 1/5en d'umanitat en mens, auràn tornat trapar lo santa puta de creissença, e los aurà dispensat un còp de mai de se confrontar al fait que lor capitalisme non es sofrible per cap populacion ont que siá de pel mond…

  • 4
  • 0
francesc palma de mallorca
3.

propaganda de guerra, amic meu. L' ei està lest., ara tamben los avions de la grander foten bombas a l'ei. e los ian.

  • 1
  • 0
Batko
2.

Los comentaris venguts de l'OTAN an una valor de haut o baish 0,5/100, compte tengut de la lor neutralitat, de lor imperialisme e deus malastres qu'an dejà causats un pauc de pertot dens lo monde.
E de qué ditz lo govèrn rus aquí dessùs ? Lor avís deu valer autan d'un punt de vista de l'objectivitat.

  • 6
  • 0
Lachaud
1.

La batalha es ben entre d'un costat los americans e sos aliats e de l'autre Russia sostenguda per la China per una zòna d'inluença entre eus dins l'Orient Median e dins la mar miejaterrana.
Lo mur de Berlin se deplaça vers lo sud.
Que far contre una bomba lançada dempuei 1000Km?
Una sola solucion : la patz; la retirada de las tropas americanas e russas e laissar los pais arabes reglar lo probleme entre eus. I a pas de djiadistes e de fanatics islamistes. I a las bombas. L'òm crei se battre per la patria o ben per una ideologia, l'òm se bat per daus merchands de canons.

  • 3
  • 6

Escriu un comentari sus aqueste article