Bandièra01 1180x150: Comuna de Tolosa

Actualitats

Dètz trucs espectacloses per jogar amb l’aiga

Lo canal de sciéncia e divertiment Brusspup, especializat dins la publicacion sus YouTube de vidèos amb d’experiéncias estonantas, a reüssit a captar l’atencion de milions de personas de tot lo Mond amb sa darrièra proposicion. Lo vidèo 10 Amazing Science Tricks Using Liquid a agut mai de dètz milions de visualizacions en un pauc mai de tres setmanas gràcias a dètz trucs espectacloses que se fan amb d’aiga.
 
I podètz descobrir lo biais de far una bòla que davala de pendas a l’alentit e quitament de lópias artisanalas per alucar de fuòc. Tanben de sacs plens d’aiga, traucats per de gredons, sens que se’n vèrse cap de gota, d’illusions opticas de tota sòrta, de colors amb de massas liquidas que dançan al ritme de la musica.
 
La majoritat dels trucs que s’i prepausan, e mai, requerisson de materials e d’objèctes força abituals a l’ostal.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article