Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Airbus pòrta lo sieu nòu elicoptèr, l’H130T2, en Aran

| Manel Tahull
La societat tolosana Airbus a presentat lo sieu nòu elicoptèr, l’H130T2, a la Val d’Aran, ont a fach d’assages de vòl per poder confirmar la crompa d’aqueles aparelhs per la societat Habock. Los encargats de verificar lo foncionament corrècte de las maquinas pendent lo vòl, amb la carga, èran los pilòts e lo personal de mantenença de la societat aeronautica europèa. An analisat lo foncionament del veïcul sus diferents terrens del país del cap de Garona.
 
La presentacion d’aqueles aparelhs en Aran fa partida dels acòrdis signats entre lo Conselh General d’Aran e la societat TAF, qu’esplecha l’elipòrt de la Val d’Aran. L’H130T2 s’incorporarà a la flòta de TAF, e es pr’amor d’aquò que la societat tolosana a causit Aran per efectuar los assages.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article